It matters not how strait the gate

How charged with punishments the scroll.


I am the master of my fate


I am the captain of my soul

الاثنين، 29 مارس، 2010

الشيخ يعرف من لحيته

يحيى أبو لحية


فى نفس شارعنا يعيش رجل معروف جدا باسم الشيخ يحيى برغم أنه ليس شيخ أو امام فى مسجد لكنه أكتسب اللقب بسبب لحيته الشهيرة التى وصلت الى منتصف الصدر هذا الرجل منذ عشر سنوات يحاول أن يكسب أى منصب فى ادارة المسجد و يرى نفسه أهل لهذا و أكثر فكل من يتعامل معه أول مرة يلقبه ( بسيدنا الشيخ ) و مظاهر تدينه لا تخفى على أحد فهو يقصر الجلباب و لبس صديرى أشبه بالذى الباكستانى
و يحفظ القران كاملا و لديه من كتب الأحاديث و التفاسير ما يملأ مكتبات الأسرة فى طول مصر وعرضها كما أن زوجته منقبة لا تعمل الا فى اعطاء الدروس الدينية للسيدات

لكن اذا كنت تسطيع خداع الناس مرة أو حتى عشرة فلن تضحك عليهم الى الأبد
 فحضرة الشيخ يعيش طول عمره فى المنطقة و أهلها يعرفونه جيدا و يعرفون أذاه لمن حوله خاصة أهله فهو لم يرد الحصول على المنصب فى ادارة المسجد الا لأن أموال التبرعات التى تأتى للمسجد تتم الخنصرة منها أولا بأول من قبل ادارة المسجد التى لا تحتفظ بأى سجلات و الجدير بالذكر انه حتر هذه اللحظة ليس للشيخ مصدر رزق أو عمل ثابت
حتى ان الناس التى كانت تتبرع بالمال وحتى بالذهب لهذا المسجد أنفضت عنه
كما ان الشيخ يحيى بدأت تظهر صفاته الحقيقية فى رمى أكياس زبالة أمام منازل جيرانه و بدأ فى تشويه سمعة من يرى أنهم أقل ايمانا منه
و ظهرت أيضا فى تغييره لأراء بصورة لها العجب ففى الماضى كان تنظيم وتحديد النسل حرام لكن بعد أن أنجب زجته ابنتين على التوالى و ليس بينهما ولد واحد على الأقل أصبح التنظيم حلال لكن التحديد حرام

حتى بدأ يسمى بين الناس ب( يحيى أبو لحية) استهزاء منه و من تظاهره بالدين



هناك 5 تعليقات:

Tears يقول...

مش بس الراجل ده لكن الاكبر منه و اشهر كمان بتوع الفضائيات اللى واخدين الدين سبوبة

elmasryeffendi يقول...

عزيزى للاسف النماذج دى كثرت قوى و هناك امثلة اسوأ بكثير من هذا الشيخ ابو لحية بس انا حسمت الامر و لم اعد اطلق على اى شخص ملتحى او مدعى تدين لقب شيخ ، فالشيخ يا اما واحد ازهرى او رجل عجوز، و العجيب ان كل البلاوى لا تاتى الا من هؤلاء المشاخخ و زوجاتهم المتخفيات بالاقنعة كما اللصوص
المفروض نعمل حملة عليهم و انا بصراحة بداتها و اى واحد من دول بيتدخل فى اللى مالوش فيه باديله بالجزمة رغم ان ده مش اسلوبى

تحياتى

ELVIRA يقول...

Tears
لا بتوع الفضائيات دول هم اللى واكلينها والعة ملايين رايحة وجاية من غير حساب و كله من الكذب و النصب

المصرى افندى
أنت قلتها بنفسك لصوص
وحتى لو ماكنش أسلوبك فى التعامل لكن هو دة الاسلوب الأمثل مع هؤلاء

Desert cat يقول...

كلهم زبالة وعلى فكرة كلهم عواطلية لو تلاحظى بيعيشوا اما على التبرعات اللى بيسرقوها باسم فلسطين او بناء مسجد او التمويل اللى يجى لهم من الخارج
وتلاقيهم اصحاب عمارات وراكبين احدث عربيات مع انهم عواطلية مش بيشتغلوا
بدأو ينكشفوا بس ربنا يريحنا بقى من المتخلفين اللى عاملين منهم اولياء الله الصالحين

ELVIRA يقول...

فعلا يا قطة حتى الجامع دة كان مبنى بضعف التمن اللى يستاهلوا نتيجة الشفط بتاعهم لدرجة ان واحد منهم جهز بنته من اموال التبرعات