It matters not how strait the gate

How charged with punishments the scroll.


I am the master of my fate


I am the captain of my soul

الاثنين، 15 فبراير 2010

المعرض السلفى للكتاب


صباح الخير و حاجات حلوة كتير
أخيرا يا أعزائى أنتهى المعرض السلفى ..أقصد السنوى للكتاب فى القاهرة
بعد أن أصابنى الهم مما رأيت
الصورة أعلاه من يوم الجمعة اللى فات
كانت الدنيا مطر غزير و حتى الساعة الواحدة و النصف ظل المعرض مغلقا لأداء صلاة الجمعة
فى محاولة للضغط على الناس للذهاب الى صلاة الجمعة
مما أدى بالكثيرين الى البقاء داخل سياراتهم
أغلبهم النساء و الأطفال
تلك الصورة التقتها عند البوابة بعد أن انحشرت بمعجزة ما وسط الناس فأسفة أنها لاتظهر شيئا من الهول الذى واجهناه


أما بعد الدخول فهذا ما لا يطاق حيث فى كل مكان شيخ سلفى أو أزهرى يقلب الكتب كأنه من ممثلى محاكم التفتيش

هناك 7 تعليقات:

Tears يقول...

البلد كلها بقت خانقة و طاردة و مدروشة بلا اى انعكاس لده على السلوكيات بالعكس ده الاخلاق فى الارض

على باب الله يقول...

أخذت كاميرتي الصغيرة إلى المعرض و عدت بدون أن أخرجها من الشنطة ، لم أجد ما يستحق أن أحتفظ به في ذاكرتي

ELVIRA يقول...

Tears
الحاجة اللى تخنق بجد أن الواحد مش شايف أى أمل حاسة كدة أن الحكاية مقفلة

على باب الله
لو كنت شفت منظر الناس و هم مش عارفين يدخلوا كنت أكيد هتصور المنظر دة دة حتى المنقبات كانوا بيصوروا منظر الناس و هم على الباب كأنه نكة

Sahran يقول...

مرحبا إلفيرا

إستني شوية وبكرة راح يمنعوا أي واحد من الكافرين أمثالنا أن يدخل إلى معرض كتاب

,,,,,,

على باب الله

قبل أن تفكر مرة أخرى بالدخول للمعرض سيتوجب عليك أولا دفع الجزية للقائمين على المعرض

اوعى تزعل ,,,,, بمزح هه


تحيااااااااااااااااتي لكم


ودمتم سالمين

Kontiki يقول...

علية العوض ومنة العوض فيكى يا ثقافة ويا ادب !
المنظر دة شوفتة فى المعرض من سنة تقريبا هنا فى ارض كوتة فى اسكندرية
ولسة مستنية السنة دى لما اشوف الشعوذة حتوصل لفين ! ما داهية ليحرقوا الكتب الغير دينية ! وكل كوم ونظام شرايط الكاسيت الدينية العالية و السيديهات كوم بحس انى ماشية فى افغانستان
علية العوض فيكى يا مصر

مواطن مصري يقول...

يعني انا مش الوحيد الي شايف ان المعرض اتحول لمركز لنشر السلفية طب كويس ان فية ناس متفقة معايا ان المعرض السنادي كان مخصص للفكر السلفي

يا ترى المعرض القادم لفكر التنصيري او السلفي الجهادي او افكار الوهابية اوللتشيع و الدعوة للشيعية و التبعية ل ايران

اة يا وطن

تحياتي

elmasryeffendi يقول...

فعلا بقت حاجة تقرف حتى معرض الكتاب احتله طيور الظلام، انا عن نفسى كتبت عن ده السنة اللى فاتت بعد ما قررت انى مش هاروح المعرض تانى ، الاول كنت بتخنق منه بسبب عدم وجود تهوية و عرض محترم دلوقتى كملت بدور النشر الظلامية اللى احتلت المعرض و كل مكان تمشى فيه تسمع شرايط الزعيق و النهيق و النعير، ربنا يستر على مكتبة الشروق و مكتبات وسط البلد اللى بقيت ازورها عوضا عن المعرض الظلامى " القاهرة الدولى سابقا "