بعدما حدث فى كنيسة القديسين و بعد أنتشار التعصب الأعمى فى مصر ، و بعد فوضى التدين فى مصر، و إنتشار الحديث عن قانون دور العبادة الموحد هل لديك أى رغبة فى إضافة على الكلام المطروح
أنا عندى إقتراحات و هى كالأتى :
1 - إغلاق كل الزوايا و الجوامع اللى تحت سلالم العمارات
2 - ليكن المسجد و الكنيسة أماكن محترمة آدمية لمرتاديها " أماكن واسعة مفتوحة "
3 - أن يكون فى تخطيط البناء أكثر من باب لمنع التزاحم
4 - الميكروفون داخلى فقط
5 - و جود مكيفات الهواء و نظام تهوية جيد مع الحرص على إجراءات السلامة مثل طفايات الحريق و وجود أنظار حريق
6 - و هى أهم نقطة وجود كاميرات على الأبواب للمراقبة كما يتم تسجيل أى موعظة أو خطبة أو درس دينى حتى يتم التأكد من تقليل التطرف الدينى
7 - عدم إصدار أى تراخيص بناء للمساجد و الكنائس إذا خالفت أى واحدة من هذه الشروط
8 - أما دور العبادة الموجودة حالياً فتمنح مهلة لتطبيق هذه الشروط فى الأعلى و إلا أغلقت
9 - منع أى منقبة أو أى شخص لا يمكن التحقق من شخصيته من دخول دور العبادة حتى لا يكون إرهابى أو شئ من هذا القبيل
10- أن تكون أماكن النساء فى الصلاة واسعة و أدمية بما يكفى أعداد المصليات من النساء و كفى عنصرية
إذا أردت أن تزيد ، فأسمعنا أقتراحاتك و النقاش مفتوح
هناك 16 تعليقًا:
كل دى حاجات منطقية و بديهية و كان ممكن النظام يعملها و يعمل اكتر منها كمان بس همه قاصدين يخلوا الشعب فى طائفية و دوامة
بصى وزير التعليم بيفتعل مشاكل ازاى؟
Tears
لا أبداً مكنش ممكن يعملها لأن فى حاجات تانية فى دماغهم لكن دى كانت مسؤلية حاجة زى وزارة الأوقاف أو الأزهر و بعد كدة تنتشر لباقى المؤسسات ، و المشكلة فى الموظفين اللى بقوا مضرب الأمثال فى الكسل ولا تنابلة السلطان و لا يتحركوا إلا لما تحصل مصيبة
أما وزير التعليم فدة غُمة لا تنزاح
سبحان الله... أنا كنيستى مقدمة على تصريح وضع تكييف فيها من سنة و لسة مخلصش! تصدقونى لو قلتلكم أننا محتاجين إذن من المخابرات العامة عشان التكييف؟؟؟؟؟
جوزيف
دة معمول بشكل تعسفى ، و كفاية أنها جت من الكنيسة
أما التصريح فممكن فعلاً تجيبو من المخابرات لو كان التكيف يعمل بالطاقة الذرية أو النووية
فاكرانى بهزر يا إلفيرا؟ الكنيسة عشان تعمل أى تجديد لازم إذن من البلدية و المطافى و المرور و المخابرات العامة و مش عارف من ايه تانى بس كانوا كتييييييير. هههههههه
الواحد مش عارف يضحك و لا يعيط
اتفق مع كل هذه الطلبات و هى تقريباً ما نريده جميعاً لدار عبادة محترمة لها قدسيتها لكنى اقترح الغاء الدروس التى يقوم بها الجهلاء من المسيطرين على المساجد و الزوايا بعد كل صلاة لانها ليست دروس و لا حتى قعدة سمر انما دى مهزلة
نضيف ايه تانى بس يا الفيرا
بس يتحقق ولو ربع اللى بتقوليه
اقولك بصراحة
انا يأست
جوزيف
أنا فكرت أنى التصاريح دى تطلع من البلدية لكن المرور و المطافئ و المخابرات ليه دة كله ، أنا عارفة أنك مش بتهزر لكن نفسى أفهم ليه دة كله!!!
المصرى أفندى
ممكن كلامك صح بس الدروس الدينية مش هتقدر تمنعها بالسهولة دى لأنك لو قلت دروس بعد الصلاة لأ هيعملوها فى أى وقت تانى لكن الضرر يبقى اخف لأن محدش هيسمعها الا اللى مخهم مقفل زى السلفيين الفاضيين و الميؤس منهم
Ms Venus
أنا أتمنى اشوف ربعها بس ساعتها الأمور ممكن تتغير
طب على الأقل كاميرات الفيديو علشان الواحد يطمن من اللى بيحصل
المطافى عشان يطمنوا إن احنا مش هنتسبب فى حريقة، المرور عشان نثبت أنه أثناء عمل التغييرات فى الكنيسة مش هنعطل الشارع، و المخابرات العامة مش عارف بالضبط بس يمكن يكونوا عاملينها رخامة أو عاملينها عشان نثبت إن احنا مش هنعمل عمل إرهابى مثلا... بس متهيألى الرخامة هى السبب
جوزيف
و فاضل مين موافقة رئيس الجمهورية كمان!!!
يا خوفى الثورة تنجح و الإخوان المسلمين هما اللى يمسكوها
جوزيف
أنا كان نفسى اشوف تغيير بس أنا برضه خوفت من الاخوان أو أى تيار دينى ينط على الثورة دى علشان كدة مكنتش من المؤيدين لأنها لسه مش فى الوقت المناسب
انا بس جيت اطمن عليكي
يا رب تكونى بخير
تصدقى انا موافقة على كل حرف فى كلامك بس مش كان المفروض التغيير اللى بيتم الم
طالبة بيه دلوقتى يتضمن الغاء المداة التانية من الدستور على الاقل
إرسال تعليق