It matters not how strait the gate

How charged with punishments the scroll.


I am the master of my fate


I am the captain of my soul

السبت، 15 يناير، 2011

خطورة السلفية

بعد المقال الهباب السابق  نقدم مقال جديد فيه يفرح المهم فيه مش كاتب المقال لكن التعليقات اللى زى العسل
خطورة السلفية

هناك 15 تعليقًا:

IMSA يقول...

العزيزة الفيرا :
متميزة بالمقالات بصراحة ..
///
بصي انا ليا وجهة نظر الدين ذو طريق واحد كلام الله مقترنة بالسنة الصحيحة للرسول ..
//
طبعا أي فرقة أو مذهب او أي كلام من دا بيقف امامي في نقطة واحدة ان البشر المسئولين عنه اكيد هيحطه ضوابط وشروط ، والضوابط والشروط دي بشرية وليست إلهية وبالتالي هتتغير يعني هتتغير ( شوفي الدستور في أي دولة اتغير كام مرة ) ..
طبعا دا أساسي ، أي كلام يتقال بالعقل جميل ( فيه مثل يتقالك اللي بيقول ما بيعملش واللي بيعمل ما بيقولش ) طبعا الناس دي بتدي وجهات نظر وكلام جميل لكن ما بينفذوش منه حاجة ..
//
طبعا الخطر والخطورة في مسح المخ وبلورته واتجاهه لشئ غريب ..
//
فيه موقف حصل ليا زمان كان في مناقشة اللي كنت بناقشه قالي المفروض تفتخر انك سلفي تنتسب للسلف الصالح ، قلت له طب ما المفروض افتخر اني مسلم منتسب لله ولرسوله افضل ؟؟
//
طبعا فيه مسح ومسخ للمفهوم الاساسي للدين ، وانا من وجهة نظري ان الدين الاسلامي واضح وصريح مش محتاج لف ولا دوران ..
//
ربنا يكرمنا ويهدي الجميع لما فيه الصواب ..
معلش يا الفيرا طولت عليكِ
تقبلي ردي ومروري

Tears يقول...

عبد الله كمال من كلاب النظام المنافقين لكن ارءه فى النواحى غير السياسية كويسة

ELVIRA يقول...

IMSA

متشكرة جداً على الإطراء ، أنا شايفة إن الدين الضحيح لا يمكن يكون منافى للسلام أو يكون فيه إجبار للناس على عقيدة واحدة لا تتغير و مع أنى ساعات بشك فى الكتب الحديث بسبب الخلط مابين الصحيح و الكاذب إلا أنى أفضل أشغل مخى و أفهم الدين أكثر من حفظه

أستغربت اوى من صاحبك لأما ٌال إنك تفتخر أنك سلفى و كأنه هو من خلع عليك تلك الصفة



Tears

و مين فى الصحافة مش منافق حتى العقاد نفسه نافق الملك فاروق وقت ما البلد كانت بتغلى لكن أنا عجبنى المقال والردود اللى عليه

جوزيف بطرس يقول...

لا حياة لمن تنادى


من أسبوع فرحت جدا لما اكتشفت إن ليا جار علمانى فى العمارة اللى أنا ساكن فيها. هو مسلم و علمانى أكتر منى. حاجة حلوة إن الواحد يلاقى حد بيؤمن بالفكر الحر قريب منه مش على النت بس

ELVIRA يقول...

جوزيف

ياه يا جوزيف أنا فاهمة شعورك دة أنك تبقى لوحدك و اللى بيفهموك موجودين بس على النت بس طالما فى واحد بيفكر زيك أعتقد أن دى راحة كبيرة أوى ، عموماً بلاش أى يأس لسه فى أمل طالما أحنا مش السعودية أو إيران يبقى لسه فى أمل

جوزيف بطرس يقول...

إلفيرا أنا محتاج مساعدة... اتناقشت مع واحد صاحبى مسلم عن إن العلمانية هى الحل لإصلاح مصر. صاحبى ده يبقى أكتر مسلم بيعز المسيحيين و بيحبنى جدا، كنت فاكره علمانى بصراحة بس فوجئت بيه بيقولى "لأ طبعا العلمانية مش صح، أنت عاوزنا ندى للبهائيين و للكفرة حقوق فى البلد؟ أنتم أهل ذمة و الرسول أوصانا عليكم بس أى حد تانى غيركم لأ!! أنا دينى بيعلمنى أحترم المسيحيين بس باقى الأديان التانية ملهاش حقوق عندى و مسمحلهمش أنهم يعيشوا فى بلدى... دول كفرة!!" حاولت أقنعه بالعلمانية و بأن فكرته عن الإسلام مش صح بس معرفتش، عموما احنا اتفقنا إن احنا نكمل كلامنا تانى.

أنتى يا إلفيرا مسلمة علمانية... ممكن تجيبيلى إثباتات من القرآن تثبت إن الإسلام بيشجع على العلمانية؟ أصل أنا مش عارف أبدأ أدور فين

elmasryeffendi يقول...

السلفية هى اساس و معنى التخلف و ليس لها اى علاقة بالاسلام لان اصحابها متخلفون فهموا تعاليم الدين خطأ و هناك من لعب بعقولهم ، بس ده دليل على تخلفنا احنا لان الافكار دى اثرت فينا بشدة و كفى حجم الهباب و الجرابيع المنتشرين فى الشوارع اكثر من افغانستان نفسها

Desert cat يقول...

حبيبتى انتى لو جبتى واحد سلفى وكلمتيه فى اى موضوع تحسى انك قاعدة قدام حماار مش عارفين حاجه فى اى حاجه وفى نفس الوقت فاكرين نفسهم يملكو الحقيقة المطلقة مع ان مفيش حقيقة مطلقة غير الموت

Kontiki يقول...

:) مخاطر دمج الدين فى الدولة والمجتمع المدنى لا تحصى

ELVIRA يقول...

معلش يا جماعة مفتحتش من فترة بسبب مشاغل كتير

****************************


جوزيف

ممكن تبدأ معاه بأن الإسلام نفسه بيقول " لكم دينكم و لى دين " مع الأخذ فى الأعتبار أن الكلام دة كان موجه للمشركين فما بالك لأهل الكتاب والبهائيين اللى هم نفسهم بيؤمنوا بالرسل الثلاثة موسى و عيسى و محمد و إن أختلفوا بأنهم يقولون بوجود نبى أخر
كما أن البهائيين مثلا موجودين فى مجتمعا منذ ما يزيد عن القرن منهم شخصيات معروفة زى "بيكار" يعنى منزلوش علينا بالباراشوت ولا هم كانوا عاملين مشاكل خالص

و دة رابط من العزيزة تيرز عن العلمانية
http://tears-demo3.blogspot.com/2009/12/blog-post_552.html


و فى صفحة الروائى محمود عرفات و بتكلم فيها عن العلمانية فى دولة مسلمة زى تركيا

http://www.facebook.com/home.php#!/profile.php?id=100001864941615

ELVIRA يقول...

المصرى افندى

هل قرأت الأهرام يوم الجمعة الماضى عن الرجل الذى أراد ان ترتدى زوجته النقاب و ظل يتحجج بالدين و بأنهم فى دولة عربية هذا الرجل كان قمة النفاق فى هذا الموضوع و هو محسوب على الفكر السلفى الذى جعل الناس بعشر وجوه


***********
قطة الصحراء


بالفعل السفيين كلهم هكذا معدا فتاة منقبة كانت معى فى الجامعة و اتضح بعد كدة انها من أكبر أعداء السلفية فى البلد بسبب النقاب اللى هى لابساه

**********

كونتيكى

هو دة المفيد تلويث الدين بالسياسة و تقديس السياسة بالدين

جوزيف بطرس يقول...

إلفيرا أشكرك على اللينكات بس مش ده اللى بدور عليه، كل ده كلام عقلى و اللى أنا بدور عليه أحاديث و آيات تثبت إن الإسلام يعطى للملحد حقوقه

ELVIRA يقول...

جوزيف

مثلاص فى موضوع حد الردة إذا كان هناك حد ردة فكيف يقول القرآن " من شاء فليؤمن و من شاء فليكفر"
" لكم دينكم و لى دين"
"
"إِنَّ هَٰذِهِ تَذْكِرَةٌ ۖ فَمَنْ شَاءَ اتَّخَذَ إِلَىٰ رَبِّهِ سَبِيلًا"
"لَا إِكْرَاهَ فِي الدِّينِ ۖ قَدْ تَبَيَّنَ الرُّشْدُ مِنَ الْغَيِّ"
كما أن هذا الموضوع سيفيدك فى هذه المسألة

http://www.ahl-alquran.com/arabic/show_article.php?main_id=5185

جوزيف بطرس يقول...

متشكر يا إلفيرا... هو ده اللى كنت بدور عليه بجد

ELVIRA يقول...

جوزيف
العفو يا جو إحنا فى الخدمة