It matters not how strait the gate

How charged with punishments the scroll.


I am the master of my fate


I am the captain of my soul

الثلاثاء، 11 يناير، 2011

الشيطان يعظ

بعد هذا نقول إذا لم تستحى فأفعل ما شئت

هناك 14 تعليقًا:

Tears يقول...

اى واحد يقرأ له كتابين و يربى دقنه يعملنا فيها داعية

المفروض يلع قانون يجرم اى حد يكلم فى الدين مادام مش من خريجى الازهر و لو ان الازهر نفسة مناهجه عايزة اعادة نظر بس اهى ارحم من الجماعه اياهم دول

ELVIRA يقول...

Tears

ولا حتى الأزهر أنا شفت طريقة شيوخ الأزهر فى الفتوى قبل كدة غاية فى الفوضى "واحد قاعد على كنبة و عمال يفتى براحته و من غير ما يشرح هو بيقول أيه"
دة غير مناهج فقه الرقيق و الكتب اللى أصفرت و قشفتو الدراسة الصعبة اللى عقدت الطلبة
دة مش الأزهر بتاع محمد عبده و على عبد الرازق و المراغى

Migo Mishmish يقول...

اود ان اجيب على الشيخ محمد بن حسين آل يعقوب واقوله :أسأل روحك

اما الشيخ الحويني فالراجل بيعمل اعلانات للعلماء اصحاب السبق والتقدم في علوم الحواجب والعورات وحيض المرأة ورضاعه الكبير وكان فاضل يرشح نفسه لانتخابات الرئاسه

والشيخ محمد حسان لا مع دول ولا مع دول ومن الواضح انه عايش في كهف بدليل انه بيقول ان الغرض من العمليه ديه زعزعه الامن والاستقرار في مصر واللي عمل كدة جوجو اللي كانت مع جمعه الشوان في التمثليه.
حداداً على مصر
MishMish

ELVIRA يقول...

Mishmish

أهى دى فى الجون يا مشمش دول عينة من أسباب الخيبة اللى أحنا فيها، و لسه واحد زى وجدى غنيم اللى واخد 3 سنين بس مع انه يستحق إعدام

جوزيف بطرس يقول...

كتير من المسيحيين لما بيكونوا فى بيوتهم و ييجى أذان على التلفزيون يسيبوا اللى بيعملوه فى ساعتها و يجروا بأقصى سرعة ليهم على التلفزيون و يطفوه!! مع إن بصراحة لو كان التلفزيون بيتكلم عن الديانات الوثنية أو البوذية أو الهندوسية و غيرها كانوا هيقعدوا يتفرجوا عليها لسبيل المعرفة مش أكتر.

أنا معرفش ليه بعض المسلمين بيكرهوا المسيحيين بس أنا أؤكدلكم أن كتير من المسيحيين بيكرهوا المسلمين بسبب أنهم اتربوا فى بيت زى ده، ثقافة تقبل الآخر غريبة عننا فى الشرق

Ms Venus يقول...

سمعت انا رد المدعو وجدى غنيم يا الفيرا على اللى حصل

حقيقى انا مش لاقية له وصف


خدى اسمعيه كده

http://www.youtube.com/watch?v=dHsAytKfY_c


وبعد كده مستكترين اللى بيحصل ؟؟؟

ELVIRA يقول...

جوزيف

كل دةمتوقع يا جوزيف أنا عندى أقارب فى عدد كبير من فروع العيلة منهم السلفى المتشدد و دول أنا قطعت صلتى بيهم ، وهناك أقاربى من المسيحيين و هم أقرب لى من مسلمين كتير فى عيلتى

الحكاية كلها فى إنتشار ثقافة الكراهية ، و برغم كل اللى بيحصل دة الواحد بيستغرب إذا كنت أنا عشت مع مسيحيين و مسلمين فى بيت واحد يبقى أيه المشكلة فى إن يبقى فى علاقات طبيعية ما بينى و مابين أى شخص مختلف عنى

ELVIRA يقول...

Ms Venus

مش عارفة كمية الصداع اللى الراجل دة و اللى زيه بيحسسونى بيها
هو دة سبب المصايب هو و اللى زيه و أنا متوقعة ردود أفعال الكائنات اللى زى دى تطلع كدة

لكن الغريب زملاؤه فى المهنة اللى يقتلوا القتيل و يمشوا فى جنازته

جوزيف بطرس يقول...

ايه الكلام اللى بيقوله الجدع ده؟ ماله متضايق من فكرة مساواة الأقلية بالأغلبية؟ و هو شاف الأسلحة بنفسه؟ طب مادام عندنا أسلحة ليه مطلعنهاش لما الكنيسة فجرها أمثاله؟

أخدتم بالكم أنه بيقول اللى مش عاجباه العيشة فى مصر من المسيحيين يروح أمريكا و هناك هيلاقى كل حاجة براحته من زنا و خمر؟ ده على أساس إن المسيحية بتشجع على الفسق مثلا؟ التوراه و الانجيل بيحرموا الزنا. الراجل بيتكلم على أساس إن الصح هو إن الأقلية ميكونش ليهم وجود أصلا

ELVIRA يقول...

جوزيف

هتعمل أيه فى عصر الغباء المستحكم و المشكلة مش بس هو دة اللى بيصدق الكلام بتاعه
و على الأقل إحنا الراجل دة و اللى زيه مكشوفين قدامنا

IMSA يقول...

الفيرا :
بصراحة كدا عنوان البوست يقول كل اللي في نفس الواحد بصراحة
الشيطان يعظ ..
تيرز عندها حق لازم يبقى فيه قانون يحاسب أي تطرف في أي ديانة ويجرم أي واحد يتكلم في الدين - سواء كان الدين الاسلامي أو المسيحي - بدون علم أو معرفة ..
//
تحياتي لكِ وتقبلي ردي ومروري

ELVIRA يقول...

IMSA

و انا معاك فى موضوع القانون لكن لأى مدى و مين اللى هيحط القانون دة و على أى شروط ؟

elmasryeffendi يقول...

فعلا عنوان معبر عن نفسه، الشيطان يعظ، تلك هى سخرية الموقف لدينا، المذنبون و ازلام الوهابية و المتسببين فى كل الاحتقان يعظون، امتى هانبقى دولة مدنية من غير شيخ او قسيس ، اننا نعيش الخديعة الكبرى

ELVIRA يقول...

elmasryeffendi

سيظل الوضع هكذا إلى أن يتعلم المسلم أن يثق فى المسيحى و المسيحى فى المسلم عندها يمكنك أن تطرد الوهابية من مصر و تبدأ الدولة المدنية