It matters not how strait the gate

How charged with punishments the scroll.


I am the master of my fate


I am the captain of my soul

الأربعاء، 10 نوفمبر 2010

أثبت انك مصرى !!!



بعد هذا الفيديو يمكنك أن تفسر رغبة شباب البلد فى الحصول على جنسية اجنبية بعد أن أتضح أن الحصول على جنسية البلد التى ولدنا فيها أصعب من الحصول على الجنسية الأمريكية  بألاف المرات ... صحيح هذه البلد غالية بحق وصعبة المنال جداً حتى على أهلها ( إذا كانوا أهلها أصلاً بحسب الفيديو)

هناك 12 تعليقًا:

Tears يقول...

و اسهل للمصرى انه يصل لانه يترشح للرئاسة في امريكا عن مصر

IMSA يقول...

لا والله ...
دا احنا شعب لا بيعجبنا العجب ولا الصيام في رجب بجد
ما البلد اهي عايزة تخلي كل واحد يثبت إنه مصري
وفيها إيه يعني لما اجيب شهادة ميلاد لجد جد جدي ما محمد سعد في دور اطاطا كان عايش عشان يقول على عوكل يا ابن بنت بنت بنتي يا غالي ..
وفيها ايه لما اجيب فاتورة كهربا قبل سنة 1914م دا والبلد كانت شغالة بالمشاعل ولمبة الجاز ..
وفيها إيه لما اجيب إيصال غاز
دا فيه مناطق لغاية دلوقتي ما دخلهاش الغاز الطبيعي ..
وكمان ابقى اجيب بقى حد يثبت إن جد جد جد جدي كان من أهالي مصر
دا لغاية دلوقتي فيه ناس ما بتعرفش تجيب شهادة ميلاد لجدها اللي لسة عايش بسبب السجل المدني اللي في بعض المناطق .
//
بجد احنا شعب بيتنمرد على النعمة الحكومات والقوانين تعمل لنا ايه تاني عشان خاطر تحافظ على الجنسية بتاعتنا
//
كان نفسي اقول جملة اعتراضية كبيرة جدا جدا جدا ، لكن إحترامي لذاتي ولكل الناس يمنعني من إني اقولها
//
يعني لو جبنا عيل في لسة بينطق اول كلمة وقلنا له الكلام دا هيعترض بكلمة اعتراضية شهيرة ويبص لأبوه ولأمه ويقولهم يا ريتكم كنتم خلفتوني في بلد تانية

//
ويا ريت حد يوجه الكلام دا لنانسي عجرم او يخليها تشوف الكليب ولا هي شاطرة تغني وتقولي لو سألتك انت مصري قولي ايه ؟ قولي مصري بن مصري وكل مصري الله عليه ..
لو طلبوا مني على فكرة إثبات الجنسية هشغلهم الأغنية دي ولا إيه ؟؟
//
شكرا يا ألفيرا على الفيديو ، وتقبلي تحياتي وتقديري لشخصك ومروري

ELVIRA يقول...

Tears

طبعاً الوصول للرئاسة فى امريكا لايلزمه كل هذا التعقيد لكن هنا الواحد يحفى علشان ياخد الجنسية أساساً

ELVIRA يقول...

IMSA

لا أبدا احنا نادرة من نوادر الزمن علشان يبقى فيه مادة زى دى فى القانون .. و ايه الغرض منها أساسا ... ربما حذف عدد كبير من المواطنين حتى تقل الكثافة السكانية فى البلد
و لا محاولة أثبات اننا بلد كان فيها كهرباء و غاز و تليفونات سنة 1914

شكرا لك على تعليقك و أخجلتم تواضعنا

Sharm يقول...

اشتم ؟؟


والله لولا احترامي لهذه المدونة لكنت شتمت

ELVIRA يقول...

Sharm

هو الواحد مش بيشتم لكن الواحد بيضحك من المصائب اللى زى دى

Ms Venus يقول...

هههههههههههههه

هم يبكى وهم يفطس


هيفطسونا كلنا قريب من كتر الضحك

ELVIRA يقول...

Ms Venus

انا مش غايظنى غير فاتورة الغاز و التليفون حاجة تغيظ بس برضه تضحك

جوزيف بطرس يقول...

يا نهار أسوووووووووووووووووووود!!!! يعنى أنا لو أسرتى جت مصر بعد 1914 مش هعرف أثبت أنى مصرى؟ و هجيب فواتير من قبل 1914 أزاى؟ متهيألى أروح أخد جنسية تانية أسهل!! ههههههههههه

شريف القاضى يقول...

أنا مش هقول غير زى ما قال المسلمانى ...منتهى العبث ..ألغوا هذه المادة الغبية من القانون ....
اه يا بلد ...شهادات صحيح

Kontiki يقول...

:) أملة يعنى انى اثبت بلا هم ربنا يطلعنى منها .

جايدا العزيزي يقول...

كل عام وانت بخير

كل عام وانت الى الله اقرب

وعلى طاعته ادوم

عيد اضحى مبارك

اعاده الله عليك وعلى امة نبينا محمد

بالخير واليمن والبركات

عيد سعيد

تحياتى