It matters not how strait the gate

How charged with punishments the scroll.


I am the master of my fate


I am the captain of my soul

الخميس، 26 أغسطس 2010

مصر سنة ....

مش مهم سنة كام المهم ان دة السيناريو للحياة فى مصر بعد الإحتلال الوهابى الكامل
ممكن يكون بعد عشر سنين او عشر ايام او حتى بكرة الصبح
فى الغالب هتكون هى دى حياتنا  ...

1  انتشار اعلانات مسحوق sawado  ( يغسل أكثر سوادا و يحافظ على اللون الاسود لنقابك )

2  المحمول التخاطرى ( حيث إن المرأة صوتها عورة فلا يجب عليها الكلام فى الموبايل لذلك تم اختراع الموبايل الذى يتعامل بالإشارة أو التخاطر بين العقول هذا إن وجدت )

3  بعد العروسة فلة ( المحاولة البدوية لتقليد باربى ) تنتشر فى الأسواق العروسة ضلمة حيث انها عروسة شرعية تماما منقبة نقاب بعين واحدة و لا يمكن خلع نقابها لأنها عورة و لا تباع إلا مع المحرم الخاص بها

4  لن يسمح بقيادة السيدات للسيارة إلا فى السيدة زينب اما الرجال فيمكنهم السير فى شارع خالد بن الوليد لحين الأنتهاء من اجراءات الفصل الكامل بين الرعايا منعا للخلط المؤدى الى الفواحش

إذا كنت مش عايز تعيش فى هذا المناخ حاربه ... ماتقولش ان المناخ دة هينصرك لو كنت راجل متنساش إن أول كلمة هتتقال على أمك هى أنها عورة و ناقصة عقل و دين  ترضى الذل لأمك و أختك إذن أنت منهم
اما انا فامش عورة و لا ناقصة فى أى شئ و هافضل أقول لا لأى واحد منهم يقرب منى و من حياتى و مدونتى

هناك 16 تعليقًا:

Elmasryeffendi يقول...

كلنا ضد القرف اللى ممكن يحصل لو مصر بقت وهابية بس المشكلة انها فعلا وهابية بس مش رسمى و السواد و الظلام بيزداد و التصدى بتاعنا مش جايب اى نتيجة لازم حل قومى تسانده الدولة لان ده مستقبل بلد

آخر أيام الخريف يقول...

الله ينور :)) هو ده الكلام

Tears يقول...

معاكى حق بس الهجمة دى محتاجة دولة تتصدى لها باجهزتها لان الافراد مش كفاية

انا شخصيا عاملة لنفسى مجتمعي و اللى مش عاجبنى مش بشوفوه اساسا

لاديني يقول...

صح لسانك

ELVIRA يقول...

المصرى أفندى

البلد بتتحول بالتدريج المشكلة مش بس فى الدولة لكن فى االفرد نفسه اللى يأما بيوافق او يسكت حتى لو بيلعنهم فى سره

أخر أيام الخريف

لو عندى امتر كنت عملت أده و زيادة و كان نفسى أحط صور برضه بس مالقتش صور تعبر عن اللى أنا عايزاه

Tears


و أنت صح اوى المهم الواحد مايبقاش شجاع الانترنت بس له الواحد يقول لا كان الموضوع أتغير
اكتر حاجة الواحد دلوفتى بيقولها هى ربنا يسهل لكن ماحدش بياخد موقف

ELVIRA يقول...

لا دينى

ألف شكر :)

شريف القاضى يقول...

احب اطمنك ان مصر طول عمرها دولة وسطية ..الدين فيها يحمل معنى التسامح والاعتدال... انا متأكد ان هذه الهجمة المتشددة هى هجمة مؤقتة لن تدوم طويلا...بوجود شباب واع بأمور دينه المعتدل..

ELVIRA يقول...

شريف القاضى

ماهى المشكلة ان هذا الشباب لم يعد موجودا انقرض او تحول الى التقليد وخلاص
و النصف الاخر هم هؤلاء المتحولين الوهابية تحت مسميات عديدة

Sahran يقول...

الفيرا الحبيبة مرحباً بك

كل شيء صار يتأسلم , الأعراس واللباس , والفنون ( السينما النظيفة كمثال ) , وما شابهها من حالات كثيرة صارت تتحول بقدرة قادر إلى الشكل البدوي الرجعي منذ أكثر من ألف عام ,,

أتمنى ألا تطال هذه الهجمة عالمنا التدويني فتفسده ,, ولو أنها قد بدأت فعلاً للأسف , ولكن يبقى دورنا عزيزتي أن نتصدى لهذه الجرثومة بكل ما لدينا من وسائل ,,

بوست ظريف , ولكنه يعكس واقع مضلم , ومستقبل أشد ظلاماً ,,,


تحيااااااااااااااتي لك


ودمت سالمة

YusuF.AsKR يقول...

ههههه

لا أستبعد تحقق هذه الصوره الكاريكاتيريه على ارض الواقع .

مؤسف مايحدث في مصر حقيقتاً , فهناك فعلا مد وهابي ملحوض يستهدف المجتمع المصري والطبقه الكادحه بالتحديد لانها هي من تشكل غالبية الشعب

لمحاربة هذا التغلغل الوهابي في مصر , يجمع محاربة من يدعمه في مملكة الرمال الكبرى والتي تنطلق منها تلك الايدلوجيه الوهابيه .

كلام رااااائع منك

تحياتي

(:

ELVIRA يقول...

سهران العزيز

انهم موجودون بالفعل فى التدوين لكن لا يمكن ان يكون صوتهم الاعلى فى المدونات لأن أغلب من يتابع المدونات هو ذو حاسة و طريقة فى التفكير فالمدونة ليست مثل الفضائيات التى تجعل منك مستقبل فقط


اما اذا نجحوا فلن يكون هناك اى فن غير فن الخط

ELVIRA يقول...

أبوغرايم

عندك حق المحاولات دى مستمرة بدأت فى الثمانينات و أصيبت بالسعار فى الألفية الثالثة ... لتحاربها يجب ان تبدأ بالرفض ثم التثقيف ثم الاعلان عن الرفض دة رأي

Kontiki يقول...

:) سوادكوا هههههههههه
على فكرة الشاب دلوقت مرتاح لفكرة ان امة واختة عورة وهو ابو الرجالة اللى مداريهم بلا غم ربنا ياخد الجميع و يفضل الملحدين و العلمانيين واى حد عاوز يفصل الدين عن الدنيا امين

ELVIRA يقول...

Kontiki

ماهو علشان كدة البلد مبقاش فيها رجالة لأن مفيش راجل بحق يكسف من امه ويسيب اى حد يهينها كدة

اقصوصه يقول...

رمضان كريم

وكل عام وانتم بخير :)

Desert cat يقول...

بيتكاثروا بفلوسهم
بس صدقينى لو تكاتفنا كلنا مهما كان معاهم من فلوس عمرها ما حتنتصر على العقل ولو كان حتما ولابد
يبقى يارب ما اعيش لما يجى اليوم ده