It matters not how strait the gate

How charged with punishments the scroll.


I am the master of my fate


I am the captain of my soul

الجمعة، 20 أغسطس 2010

عاشت الأسامى

الأسماء من اهم الاشاياء اللى تعبرعنك فى الدنيا كلنا عارفين دة لكن فعلا ممكن الاسامى تعبر برضه عن ثقافة مجتمع بالكامل
حد خد بالهان برغم  كمية الاسماء اللى خلقها ربنا فى مجتمعنا الناس مصرة على اسماء معدودة

ايه الموضوع خايفين يسموا اولادهم بأسامى مميزة
اذا قابلت اى ولد ما هى احتمالات ان الولد دة يكون اسمه محمد و اسم الدلع حمادة و ميدو

كأن اى اسم تانى حرام او مش هيدخل الناس الجنة الاسم حلو عرفنا لكن ايه فايدة تكرار الاسم بالشكل المرعب دة
فى جريدة الاهرام من حوالى سنتين كان فى خبر منشور فيها بمنتهى الفخر ان اسم محمد هو ثانى اكثر الاسماء انتشارا فى انجلترا بعد اسم جاك  ( يافرحتى ) دة معناه ان اباء الاطفال دول عجزوا كلهم عن اختيار اسم مختلف

اعرف اختين  كل واحدة منهم خلفت ولد سمته محمد فى اقل من سنة و الغريب ان واحدة منهم كانت عايزة اسم مختلف لكن جوزها اقنعها ان اسم محمد هيحفظلها الاسم اللى هى عايزاة و يحميه !!! شفت المنطق المحكم

دة غير طبعا الاسم الصحراوى اللى ظهر من الثمانينات و التسعينات ( معاذ )
 دة غير المصى اللى راجع من الخليج  و ابنه اسمه طلال أو مناف

حالة مسح فى الثقافة و تقليد اعمى على كل المستويات ليه مش هتمتد للاسماء كمان

هناك 13 تعليقًا:

Desert cat يقول...

اه فعلا بيقولوا اسم محمد هيحفظ المولود من اى شر مع ان فى ناس كتير اسمهم محمد بيمرضوا وبيموتوا فى حوادث طرق
غريبة الناس

ELVIRA يقول...

Desert Cat

طبعا يا بنتى ماهى الاسامى دى دلوقتى بيتعاملوا معاها على انها تعاويذ و احجبة

Kontiki يقول...

ملحوظة ذكية لثقافة مجتمع متخلف اسماء اليوم هاجر - خديجة فاطمة او تسنيم للبنات عشان اسامى مرتبطة بالدين طبعا اسم محمد اساسى وعلى وعمر والغالب دلوقت مش بيتنطق الاسم عادى لازم يتنطق باللغه العربية الفصحى .
اة نسيت وبلال كمان منتشر وعلية العوض انا شخصيا افضل صوفيا او كارول :)

لاديني يقول...

أنا حاسمي ابني على كدة شيطان
حيبقى خالد ومحدش يقدر يكلمه خالص ولا يجي جنبه ولا حتى الله نفسه!

قال اسم محمد حيحفظه قال
حجاب يعني؟
:)

بلا نيلة

ELVIRA يقول...

Kontiki

اوية فعلا انا بلاحظ برضه الاسماء بقت بالفصحى كأنهم فى حصة نحو
و على فكرة انا عجبنى اسم صوفيا اوى و غلفيرا علشان كدة اخترتهلنفسى على النت

ELVIRA يقول...

لادينى

الموضة دلوقتى مش بس ان الاسم يحفظ صاحبه بل كمان يحفظ اى اسم تانى كنت عايز تسميه لابنك و على كدة كانت الناس تسمى اولادها محمد و البنات محمدية و يكون ليهم اسامى تانية مش مكتوبة فى شهادات الميلاد كانوا نفسهم يسموهلهم

اما اسم خالد فكان واحد معايا فى الثانوى و اول ما الاستاذ سمع الاسم قال فورا أكذب الاسماء .... شوف ازاى

Servant of Lord Jesus يقول...

ولد لرجل منا غلام . فسماه محمدا . فقال له قومه : لا ندعك تسمى باسم رسول الله صلى الله عليه وسلم . فانطلق بابنه حامله على ظهره . فأتى النبي صلى الله عليه وسلم فقال : يا رسول الله ! ولد لي غلام . فسميته محمدا . فقال لي قومي : لا ندعك تسمي باسم رسول الله صلى الله عليه وسلم . فقال رسول الله صلى الله عليه وسلم ( تسموا باسمي ولا تكتنوا بكنيتي . فإنما أنا قاسم . أقسم بينكم ) .

الراوي: جابر بن عبدالله المحدث: مسلم - المصدر: صحيح مسلم - لصفحة أو الرقم: 2133 - خلاصة حكم المحدث: صحيح

***

أعتقد الآن وضح الأمر. الرسول يأمر المسلمين ان يتسموا باسمه (اسم محمد)..

ما يقرب من 24 حديث صحيح يأمر المسلمين ان يتسموا باسم محمد..

الإسلام لم يترك للمسلم حرية إختيار!

حتي في اختيار الاسم لم يعد فيه حرية اختيار!!

شيء مؤسف..

***

تيمور يقول...

الناس اتعودت على حاجة صعب تغيرها

فى اسامى معينة لاخلاف عليها ان ديما يقع الاختيار عليها

ومفيش حد بيفرض على حد اسامى معينة

والتغير مطلوب

ودى حرية

وكل انسان اولاا واخيرا يختار الاسم اللى عايز

تحياتى

ELVIRA يقول...

Servant of Lord Jesus

او بالحرى مسموح لينا اننا نسمى اسم محمد لأى ولد مش فرض يعنى
لكن المشكلة هنا ان الناس عملت الاسامى تعاويذ و خرافات بلا معنى

****************
تيمور

مفيش حد بيفرض على الناس انهم يسموا اولادهم باسامى معينة المشكلة هنا ان الناس بتنمط نفسها فى اسامى معينة فأنا مثلا سوم ما تولدت كانت العائلة كلها بتنظر ان الاسم يكون خديجة و او ياسمين و فاطمة و اميرة
الاسماء اللى شايفين انها تمشى على بنت و ماينفعشى غيرها مع ان فى 15 بنت فى العيلة بنفس الاسامى

Sahran يقول...

إلفيرا الحبيبة مرحباً بك

عندنا في غزة , عندما نريد أن ننادي على شخص ولا نكون عارفين لاسمه نناديه بأبو محمد !!لأن الاسم هذا شائع جداً جداً , وأغلب الشعب أبو محمد , وأبو أحمد , وأبو العبد , وأبو مش عارف إيش !!

النظام الفكري القمعي عزيزتي لن يترك لنا حتى اختيار الحسن منلا الأسماء , وكم من فتاوى سمعناها عن حرمة تسمية البنت بالاسم فلانة أو علاّنة !!!!!!


تحيااااااااااااااااتي لك


ودمت سالمة

Sahran يقول...

ملاحظة أخرى

بعد أن انتشرت آفة حماس عندنا انتشرت أسماء نشاز من وحي الصحراء , وهناك نظرية عندنا تقول بأن حناس تنقسم إلى أربع فئات :

1- أبو أنس

2- أبو صهيب

3- أبو حذيفة

4- أبو حمزة

آخر أيام الخريف يقول...

تدوينة فى الجووووووووووووووووون


واحدة صاحبتى سمت بنتها حفصة .... و بتدلعها تقولها يا فوفّة ... :))

ELVIRA يقول...

العزيز سهران

هنا فى مصر اى واحدة اسمها ام محمد تصدق ان فعلا واحدة قاربتى اسمها ام محمد من غير حاجة كدة

اما الاربع فئات دى فهى هوجة و هتتحرق فى موسم الجرد بعد ما يخلصوا المتحمسين اياهم
*********************

أخر ايام الخريف

مقدرش اقول غير الله يكون فى عون بنت صاحبتك