It matters not how strait the gate

How charged with punishments the scroll.


I am the master of my fate


I am the captain of my soul

الاثنين، 2 أغسطس، 2010

التوازن فى ميول المجتمع المصرى


هذا هو التوازن فى الحياة عند الشعب المصرى حاليا
او الأفضل سيبها تعمل اللى هى عايزاه و هى ماتزنش على دماغ صاحبتها

هناك 7 تعليقات:

Migo Mishmish يقول...

اهو انا مبحرقش دمي غير احترموا نفسكوا
طيب هو اللي عامل الصور مال دين امه البنت عامله في نفسها
ثم هو جايب صورة واحدة من ورا
طب هو استأذنها ولا اعتبرها زي اليفط اللي بيتكب عليها ارقام الاتوبيسات
وديه صورة اكيد في مجموعه تدعوا الى الهدايه بتكفين الستات احياء في اتواب من السواد وبتحض الرجاله على انهم يبصوا على البنات اللي مش متكفنه علشان يصوروهم ويحطوا صورهم عالنت صح
معلش على الاسلوب بس ساعات الحاجة لازم تتقال زي ما هي كدة
Love
MishMish

Kontiki يقول...

والله البنات مظلومين ضحية حاجات كتير قوى صدقينى ضحية لازم الاتموسفير يتغير كلة عشان هم يتغيروا ويلاقوا نفسهم بدل الضياع دة

Tears يقول...

انا طبعا فاهماكى لكن جملة يا تقلعوا الحجاب يا تحترموا نفسكوا معناها يتفهم على ان اللى من غير حجاب مش محترمة و ده مش صحيح لان قطعه القماش دى مش معيار و لان الشعر اساسا مش هو الفتنه زى ما بيروج المتأسلمون خاصة ان اغلب شعبنا لا يتميز بشعر ناعم او حلو

الحجاب مش فرض دينى و انما فرض على الاسلام لانه كان موجود قبله كجزء من العادات العربية البدوية

التزين غريزة داخل المرأه و شعرها تاجها بس همه بيكبتوها باجبارها على تغطية التاج و لبس شىء طبيعي ح يخلى منظرها قبيح و عاملة زى المتكفنة و بالتالى ده بيولد نوع من الكبت و بيخليهم يبالغوا فى اشياء اخرى كالمكياج او ضيق الملابس او الانحراف فى التصرف لكن فى السر

عارفه لما كنت فى ثانوى...كانت مدرستى مختلطة و مافيهاش غير بنت محجبة واحدة فى فصلى و كان زى مدرستنا شكلة حلوة عبارة عن جيب لونها نبيتى تحت الركبة بتلاته سم بس و قميص ابيض بنص كم مطعم على الجيب بنفس اللون النبيتى انما هى كانت بتلبس ماكسى و بكم و لا تختلط بالاولاد اللى فى فصلنا و بتقول ده حرام و التصوير حرام فى الوقت اللى كنا فيه فى الفسحة بتهزر كلنا او نلعب اى لعبه فى العلن لان الاولاد دول زى اخواتنا و فى يوم داخلة حمام البنات لقيتها جوه قالعه الطرحة و واخدة معاها ولد متأسلم!


اسفه على التطويل

elmasryeffendi يقول...

ما هو ده قمة التناقض فى المجتمع المصرى اللى نتج عن تغلغل الوهابية و الافكار الصحراوية القادمة من البادية ، و المواضيع بقت قمة فى السطحية و الاهتمام بالقشور مع ان المظهر العام لا يستدعى كل هذا الصخب لان المحترمة محترمة ايا كانت و هى فى الاخر حرية شخصية تعبر عن شخصيتها لكن لان بقى فى تناقض فبقت البنت تغطى شعرها و تسيب اللى تحت لانها ممزقة من الداخل، الحل فى عودة التوازن للمجتمع و نبذ هذه الافكار الوهابية التى غزت المجتمع

ELVIRA يقول...

Mishmish

عليكى نور اللى عمل الصور حاطتها تحت بند الاحتشام و العفة لكن هو سمح لنفسه يصورها من الخلف من غير موافقتها او حتى معرفتها كمان بيدعو اى حد يتحرش بيها بعد ما اصبغ عليها صفة تشير لانها اقل ادمية او لا تستحق الاحترام
.. معلشى على الاسلوب ليه انت قولتى الصح بصراحة

Kontiki

اذا كانت واحدة فى الظروف دى و اهلها ضاغطين عليها المجتمع كله بيضغط عليها هتعمل ايههى كشخص منفرد وسط كل دة ؟

Tears
دى كلمة اللى عامل الصورة بعد ما سمح لنفسه بكدة اساسا
عموما انا ضد الحجاب و ضد اى مظهر تخلف ياخ شكل دينى لكن اذا كانت عايزة كدة مفيش مانع لكن من غير ما تعمل فيها خضرا الشريفة و باقى البنات عبارة عن لحم مكشوف او غير محترمة لكن لما توصل المسألة لتغيير الاخلاق و حصرها فى اشكال هنا يبقى الغلط اللى لازم يقف

elmasryeffendi

كام واحد بيبص على المضمون دلوقتى و ايه رأيك فى واحد عامل صورة زى دى و وضع علامات معينة علة اجزاء من الصورة كلفت انتباه ودى كلمة مخففة للحقيقة

مؤنس فرحان يقول...

الصورة دى شوفت زيها كتير فى دول عربية تانية وفى كمان عاملين كليب موش مجرد صورة

الفكرة

هى الشيزوفرينيا والطمع

شيزوفرينيا فى المتناقضات اللى عليها البنت من وجهة نظر ومن وجهة نظر تانية الطمع فى انها تلبس عالموضة وشيك وحاجة تبين قوامها ورشاقتها وفى نفس الوقت ترضى عقلية مجتمع متخلفة فى ان الطرحة دى اللى عالراس هى اساس الحشمة والاحترام

كمان اللى عامل الصورة موش عشان هدف تربوى او توعية لحد .. لكن هو بيسخر من واقع هو موش رافضه زى ماحاول يوصل

العقل
امتا يسود العقل والمنطق والتفكير
موش التقليد والتطبيق الأعمى وعكس الأولويات

ELVIRA يقول...

مؤنس فرحان

الصورة دى لو بصتلها ممكن نستدل ان البنت دى طالبة جامعة شابة او خريجة او موظفة جديدة من وسط متعلم من الطبقة المتوسطة او فوق المتوسطة يعنى مش هتلبس ملس يعنى او خمار او الاختراع المسمى الاسدال يعنى علشان تلبس هتلبس ايه يعنى غير دة و مع الطرحة المفروضة على بنات مصر حفاظا على السمعة مش حكاية طمع ابدا