It matters not how strait the gate

How charged with punishments the scroll.


I am the master of my fate


I am the captain of my soul

الأربعاء، 9 يونيو، 2010

الرزالة فى الميكروباص



أبسط وسيلة مواصلا فى مصر بعد التوك توك هى الميكروباص ممكن تركبه لأى مشوار صغير دى كانت فكرتى عنه إلى أن عرفت أنه له إستخدامات أخرى ....


كانت البداية ركوبى الميكروباص من أول المحطة فكان معنى هذا أن ننتظر حتى يمتلئ بالزبائن فى عز الحر و لم يطل انتظارنا حيث ما إن بدأنا فى التحرك حيث فوجئت بشاب ذو لحية قاربت المتر يجلس امامى بدلا من يخرج أجرة ركوبه فوجئت به يخرج مجموعة من الكتيبات مثل الذى فى الصورة
و يوزعه فرضا على الجميع مع نظرة خاصة بى من طراز _ صنع خصيصا لك _ على أمل ان أنفجر فى البكاء و أعلن توبتى أمام الله و الناس
كل ما جال فى فكرى ( أرفضه - أخذه و أولع فيه ) ثم أستقررت على فكرة أخذه ثم نشر تلك القصة عن الرزالة السلفية فى أدق شئون الناس
و قلت أخذه أنا أحسن ما يقع فى يد أى شخص يتأثر بها ولو حتى واحد
ثم فوجئت به يخرج مجموعة جديدة و يعطيها لفتاة تجلس بجانبى و هى ترتدى أحدث أختراعات الإسلام الصحراوى [ الإسدال ] من دون أى سابق معرفة إلا لأنها ممكن توصلها لعدد أكبر من البنات مع الكثير من كلمات أختى فى الله ، نصرة الدين ، الحفاظ على بنات المسلمين
لم يطل المشوار و الحمد لله المهم انى خرجت من هذه الجلسة اللى تشل

هناك 5 تعليقات:

Tears يقول...

الحكومة هى اللى سايبه دول ينتشروا عشان تلهى الشعب و تشغله...اصل الحزب الوثنى مجوز الاخوان عرفى و مقسمين البلد...واحد ياخد الحكم و واحد ياخد الشارع..ربنا ياخد الاتنين انشاء الله

شوفى ده
http://www.almasry-alyoum.com/article2.aspx?ArticleID=258186

و ده

http://muslims-however.blogspot.com/2010/06/blog-post_02.html

Kontiki يقول...

عادى منتشر جدا الموضوع دة فى كل وسائل المواصلات واماكن العمل كلة عاوز دى تتحجب ودى تتنقب واللى عاوز يخطب واحدة بيساومها على الحجاب وكلة نازل زن الحجاب الحجاب و تبقى بحجابك دى بلد كلها ********

ELVIRA يقول...

Tears
انا لما شوفت الروابط دى بقيت هتجنن من التعليقات على الموضوع مهما تفهميهم اننا بنقول أراء محدش عايز يفهم كله بيشتم و يكفر المختلف عنه

Kontiki

الحكاية انتشرت برزالة و كلامك صح كام واحدة دلوقتى لبسه الحجاب علشان تتجوز أو بضغط من أهلها ... دة مجتمع القوالب

Ms Venus يقول...

حزينة عليكى يا بلدى

وفى نفس الوقت خايفة اوى من بكرة

Migo Mishmish يقول...

ELVIRA
مش لاقيه رد غير ان المشكله جزء كبير منها بيقع على المرأة لما رضيت انها تبقى شيء وبتدافع عن اللي نزع عنها انسانيتها
Love
MishMish