It matters not how strait the gate

How charged with punishments the scroll.


I am the master of my fate


I am the captain of my soul

الخميس، 5 مايو 2011

إلى خارج النفق إلى النور

واحد محترم يا جماعة أخيراً




عقبال باقى الإفاقة للشعب كله حتى نرتاح من وجع القلب دة
فأنا حتى هذه اللحظة لا أعرف لماذا يرتدى أى إنسان عاقل فى القرن الواحد و العشرين ملابس من القرون الوسطى
و يطيل لحيته كرجل الكهف بهذا الشكل المنفر
و يعادى كل أهتمام بالنظافة الشخصية و كل ما من شأنه أن يشعرك بأنه إنسان طبيعى
ثم بعد كل هذا ينصب نفسه إمام معصوم يأتيه الوحى و علينا الطاعة و إلا فنحن كفار
ناهيك عن متلازمة النفاق فى الفكر السلفى فى كل مكان فى الأرض حيث يحرم عليك و يحلل لنفسه
يلبس الأبيض الشفاف و يجبرها على الاسود الخانق
يحرم الأغانى ثم يقول الأناشيد
لا يفهم فى الفن و لا الجمال و يصر على ضرر كل عمل فنى فى العالم
يقول التماثيل أصنام و هو يعبد الشيوخ و الأئمة
يقول العين تزنى و هو عينه تندب فيها رصاصة
يقول ناقصات عقل و دين ثم يقول أن المرأة هى الفتنة للرجل
يقولون دينيترتب على  العقل و لكن إياك أن تستخدمه
يقولون الدين يسر ثم تراهم يطبقون الحدود التى لا يمكن أن تطبق فى أى مكان يحترم نفسه
يقول أنه يعرف طريق الحق لعبادة الله و يزدرى أول حضارة نادت بالتوحيد و قالت بالثواب و العقاب
الله عليه غفور رحيم و علينا شديد العقاب

هناك 7 تعليقات:

IMSA يقول...

الفيرا :
هههههه
بخصوص موضوع الملابس ما اعرفه ان ليس هناك زي معين في الاسلام نهائي - الزي الرسمي بقى هو ما يستر بدن الانسان - ،
بخصوص اطالة اللحية او حلاقتها من رأيي انها حرية شخصية ، اي نعم هي سنة في الاسلام ولكنها ليست فرض وهناك فرق كبير بين السنة والفرض ، لكن ما توصلش انك لو حلقت اللحية تكون ارتكبت ذنب وحرااام على الرغم من ان كلمة حرام دي كلمة كبيرة بس برضو ولا حياة لمن تنادي ..
تفسير ناقصات عقل ودين دي هتخليني اتجنن ، ناقصات عقل لامرين الاول ان عاطفتها بتغلبها الثاني لان شهادة امرأتين تساوي رجلا واحدا - منظور فقهي اسلامي قضائي - .
ناقصة دين لامرين برضو ، انها ما بتجهادش يعني ما بتحاربش ، التاني ان قيامها بفروضها الدينية - يعني صلاة وصوم - بينقصوا لانها بتكون ايام في غير حالتها الطبيعية وكل النساء تعلم ذلك .
الدين الاسلامي يترتب على العقل ولكن من يعرف ان الانسان اذا فكر يخرج عن المألوف وما يريده غيره ان يجعله يسير عليه وقتها يقول لك لا تستخدم عقلك على الرغم من ان سيدنا ابراهيم اهتدى الى الله بالعقل .
//
بخصوص بقى الاستاذ حسن الراجل دا عجبني جدا في المداخلة ..
ورد بسيط على كلمة ان انت تسخر من زي الاسلام ، اريد ان اقول له :
الزي الاسلامي حسب الزمان والمكان .
تاني حاجة
بيقول ان انت بترجع لرجل الدين زي الدكتور والمهندس ووو .
معاك لكن امتى في الفتاوي الخاصة ولا في كل كبيرة وصغيرة ..
يعني الفتاوي الخاصة وليس الفتاوي العامة .
//
شكرا يا الفيرا وتقبلي ردي ومروري

ELVIRA يقول...

IMSA

فكرة الزى فى الاسلام أنا متفقة معاك فيها فيبقى الأولى أننا نلبس لبس يناسب العصر اللى أحنا فيه و مقاييسه و اللحية برضه اللى عايز يربيها يربيها بس مش بالمنظر المنفر اللى بنشوفه دة

أما عن المرأة فشهادتها تساوى نصف الرجل فى القرآن فى حالة كتابة عقود أو ما شابه لأن فى الزمن دة التعليم كان نادر بين الرجال فما بالك بالنساء

و ناقصات عقل و دين أنا شايفاها منافية للعلم تماما خصوصا أن المرأة فيما عدا عاطفة الأمومة هى مالكة عقلها تماما زيها زى أى راجل بيخاف على أولاده يعنى
أما الدين فمعتقدش أنها تبقى ناقصة دين اذا كان ربنا نفسه هو اللى أعطاها هذه الرخصة لذا المشكلة مش من جانبها

انا شايفة أن فعلا العقل رغم التباهى به فى مسألة الدين الا أن أى تفسير أو فهم متحفظ فى الدين هيجى و يقولك وقف عندك و متستخدمهوش و الأفضل تسمع لكلام المشايخ
زى الاستفتاء لما قالو ان الشيخ قال قولوا نعم و لو كانت غلط يبقى هو اللى يشيل ذنبها ... يعنى الغاء تام للعقل

و الاستاذ حسن دة بصراحة كان كلامه فى الجون و على الأقل عرف يوقف الشيخ عن الكلام دة شوية

Tears يقول...

انا مش بستحملهم بقى خالص و لا حتى فى تلفزيون او حتى تعليق على موضوع

و بتعامل كأنى مش شايفاهم

IMSA يقول...

الفيرا :
السبب في ناقصات عقل ودين هو كما قلته لكِ وهو لا ينتقص من المرأة شيئا بتاتا ، وان اخبرتك ان الرسول صلى الله عليه وسلم كان يقول هذا الحديث في موقف ما ممازحا ، سيكون رد فعل المتشددين ضربي بال.. - توقعي براحتك - .
بخصوص العقل في الدين دعيني اخبرك الوحي انقطع بوفاة الرسول صى الله عليه وسلم وكل يأخذ منه ويرد إلا صاحب هذا القبر ، وباب الاجتهاد لم يغلق منذ 1400 سنة - لكن هم اغلقوه من زمان جدا - الحقيقة ان للعقل مكانته في الدين وفي الحياة وإلا لم يكن ليذكر الله اكثر من مرة الاشارات والمرادفات للعقل مثل الالباب ويتدبرون وهكذا .. - فاهمة قصدي - ولكن ماذا سنقول ان عارضت في الدين الاوحد تكون مخالفا ، عجبت لهذا الزمن يحدث فيه ما كان يحدث في عصور الظلمات من تحكم رجال الدين ولا نتعظ من التاريخ ...
//
تحياتي لكِ ودائما ما تعجبني المناقشة معكِ .

ELVIRA يقول...

Tears

و مين بيستحملهم أصلا بس انا أحييكى على قدرة تحملك و انك قدرتى تتجاهليهم لو تسمعى شيخ الجامع اللى قدامى بيقول أيه فى نفس لحظة كتابة هذه السطور لأنفجرنا جميعاً

ELVIRA يقول...

IMSA

انا أعتقد أننا لو أستخدمنا تفسيرى اللى أنا قلته فى الرد الأول كان يبقى أرحم عندهم من أنهم يسمعوا حد بيقول أن الرسول كان بيهزر
لكن برضه فىنفس الموضوع هو مفيش انتقاص من المرأة فى الإسلام لأن زى ما أنت قلت الموضوع من منظور قضائى فقهى منسوب للإسلام يعنى ممكن يتغير حسب الثقافة و حسب فهم المُشرع

أما عن رأيى فى مسألة شهادة المرأة فهو دة اللى أنا قرأته فى القرآن و حسب فهمى له

و فى رابط عن الحكاية دى فى أجابات جوجل

http://ejabat.google.com/ejabat/thread?tid=3ec2381813d2d5c1

Tarkieb يقول...

حسن روقه ههههههههه مش حتشيلي بقى تاكيد الكلمات في التعليق عشان ده حرام كدة