It matters not how strait the gate

How charged with punishments the scroll.


I am the master of my fate


I am the captain of my soul

الأحد، 8 مايو، 2011

مولانا و بشير .. مولانا و الجون

أثار إعلان المرشد العام لجماعة الإخوان المسلمين عن اتجاه الجماعة لتأسيس أندية رياضية كبري ، بحيث يتمكن الإخوان من المنافسة علي الدوري وكأس مصر جدل واسع بن نشطاء مواقع التواصل الاجتماعى الفيس بوك وتويتر. ودشن نشطاء تويتر هاش تاج ينتقد بشكل فكاهى توجه الجماعة نحو فكرة الكومبوند الرياضي.


ــ محمود بكر : يغيب عن مباراة اليوم حارس المرمى الاساسى لاستدعائه فى جهاز الامن الوطنى
ــ أبو تريكة يعلن إعتزاله في نادي الاخوان
ــ مناظرة بين مانويل جوزيه و صبحي صالح
ــ التي شيرت هيبقي عليه إعلان بلح او سواك
ــ اي فريق ليه مزز بتشجع حينزل درجة تانية
ــ احنا الاخوان.. بنجيب اجوان.. و برة الملعب بنجاهد كمان.. علماني علي ميين .. يا شيوعيين .. تعالو شوفو السلفييين .. أوووه

ــ وليد دعبس يعلن انطلاق قناة مودرن اخوان
ــ ليبراليين على مييييين يا موكوسييييين,تعالوا شوفوا الإسلاميين, أوووووه أوووووه
ــ ما فيش إعلانات بيبسى او كوكاكولا فيه بس إعلانات التوحيد والنور فقط لن نسعى لتدريب المنتخب .. و سنكتفى باربع لاعبين فقط فى المنتخب
ــ هل يجوز أن يشجع عضو الجماعة فريق رياضي آخر غير فريق الإخوان أم سيكون معرض للفصل

ــ المرشد يؤكد انه لا مانع من دخول لاعب قبطي فريق الإخوان.. و باب الفريق مفتوح للجميع
ــ نحمل الكأس لكل الناس
ــ مدحت شلبي: مولانا وبشير .. مولانا والجون
ــ فريق الإخوان يعلن اعتكافه استعدادا للموسم الجديد
ــ عاجل : شوبير هيربي دقنة .. هيعمل برنامج الكرة مع الإمام
ــ كابتن الفريق قبل المباراة : العبوا مباراة مودع
ــ التراس إخوان يولعوا فى المدرجات بخور بدل الشماريخ
ــ إنهاء التعاقد مع ابوتريكة عشان جالو رباط “صليبي”
ــ اختلاف كبير في الملعب على حكم الهجمة” المرتدة” ؟
ــ قيادة الإخوان تعد بعدم التدخل في فريق الإخوان، فقط سيختاروا اللعيبة والمدير الفني ومجلس الإدارة
ــ لا أحد يستطيع ان ينكر فضل شباب الأخوان فى الفوز بكاس الأمم
ــ الهتاف الرسمى: ” بص شوف اخوانا بيعملوا ايه ”
ــ الصحافة فين الليبرالى اهو
ــ المرشد يؤكد أنه لا ينافس ع الألقاب,وأن فريقه سيشارك بـ 7 لاعبين فقط في أول موسمين ، وبدون حارس مرمى لطمأنة باقي الفرق وإثبات حسن النية

و أول صفقات الجماعة هى أبو تريكة  أما الكابتن ماجد فدا شكله بعد الأنضمام للجماعة يووو قصدى التادى


و دة شعار ألتراس إخوان


التى شيرت الإخوانى تمهيداً للعب بالجلباب







ثم بالطبع لن تتوقف الجماعة المحظوظة عند هذا فقد بدأت بالفعل فى العمل من خلال الحزب السياسى كدمية المارونيت ثم أنشاء نقابات لعمال الإخوان و فرق المسرح الخاصة بهم ثم تكوين دولة داخل الدولة و إنشاء مخابرات و وزارة دفاع خاصة بهم
ثم لن يكون من المستبعد أن يكون فيلم الموسم هو " أنا اللى قتلت السادات " من انتاج إخوان الزمر المتحدون و سيعرض الفيلم على قناة ميلودى إخوان

هناك 9 تعليقات:

Migo Mishmish يقول...

هم يضحك وهم يبكي
بلا نيله
MishMish

Kontiki يقول...

يخرب بيت المسخرة :) التيشرت علية بلح وسواك ضحكتينى وانا بعيط خوفا من الفتنة وضياع البلد اللهم احشرنى مع المظلومين من عبادك يارب ان شاء الله يكونوا يهود .. اللهم لا تحشرنى مع العنصريين القتلة اصحاب مقولات دين الحق اللى مفهوم غلط .

ELVIRA يقول...

Mishmish

اه والله يا مشمش و حكاية جمعية الدفاع عن المسلمات الجدد ممكن تكون دى هى القشة التى تقسم ظهر البعير
بجد لازم الجيش يعمل حاجة معاهم

حتى انا أعرف ناس كتير بيكرهوا المسيحيين لكن دلوقتى بقوا مرعوبين من حاجة أسمها السلفية من غير ما يكون ليهم فى السياسة اصلا

و الكلام دلوقتى هو أن السلفيين هيخلصوا على المسيحيين و بعد كدة هيدورا علينا

ELVIRA يقول...

Kontiki

و لسه فى الأستاد مفيش شماريخ هيبقى كله بخور
الغريب عندى دلوقتى ناس بقوا يكرهوا السلفيين بشكل مش هتصدفيه دة تقريباً اللى عملوه حرق صورتهم قدام ناس مش بسطاء بل عاديين جداً

Tears يقول...

دول بيستهبلوا

يعنى ينفع حزب الوفد يعمل نادى و فرق كورة و نقابة مستقلة...ما فاض يعمل جيش و يرفع علم

IMSA يقول...

الفيرا :
معكِ كل الحق في الخوف من السلفية ، هم الآن ينطلقون نحو الشق الأخر من النسيج المصري وحين الانتهاء منه سيعودون إلى من يخالفهم داخل نفس الشق ، عندك مثلا الاخوان هيقولوا عليهم ضعيفي العقيدة - خلصوا عليهم - الصوفية بيروحوا للضريح - انهوهم - البنت ماشية من غير نقاب والولد من غير جلباب ولا لحية ولا بتنجان وثوم - كفرة - ...
طبعا دا المستقبل لو السلفية اصبحت شوكتهم اقوى من أن تصد ولا ترد ..
//
خدي عندك انهم اصلا عندهم ازدواج شخصية ومتهيألي سكيزوفرانيا اوفر وادق في وصفهم ..
//
تحياتي لكِ وتقبلي مروري

ELVIRA يقول...

Tears

ماهى دى الخطة تقسيم الدولة على أساس الدين حتى فى الكورة دول عالم .... * و مش أسفة فى الكلمة

ELVIRA يقول...

IMSA

دة كله صحيح و انا قلت من الأول أنهم مش فزاعة دول أتربوا فى احضان النظام من عصر السادات و النهاردة بس كشفوا عن مدى خيانتهم للبلد لحظة السادات ما قال انه رئيس مسلم لشعب مسلم حجز المسيحيين عن باقى الشعب المصرى و كانت أشارة للتصرف معاهم بعدائية

غير معرف يقول...

حكم الهجمة” المرتدة” هههههه