It matters not how strait the gate

How charged with punishments the scroll.


I am the master of my fate


I am the captain of my soul

الأحد، 31 أكتوبر، 2010

مشكلة اتجاهات

(ش) صديقتى العزيزة جئتى لى فى مشكلة تخصك و قد تعاطفت معك فعلاً ....
كعادة بنات مصر  كلهن إرتديتى الخرقة المسماة بالحجاب لسببين
 رضاء الله  و قبول المجتمع أعرف أنه لم يكن فى ظنك أنك سوف تعاملين تلك المعاملة و أنك ستظلين مخلوقا من الدرجة الثانية أو حتى الثالثة .
فقط أنت فقدتى تميزك و هويتك  برغم أن عمرك لم يكن بعد 16 سنة
و عندما حاولتى الرجوع ( قالوا دخول الحمام مش زى خروجه ) و أعرف كم الضغط العصبى الذى اثر على هيئتك
جئتى تطلبى منى النصيحة فلم يكن امامى سوى أن أقول لكى ( اصبرى بكرة الأحوال تتغير ) برغم عدم ثقتى فى هذا

الآن و بعد 10 سنوات أصبح لديك العمل و الدخل فى إمكانك الرحيل و الإستقلال بحياتك ، جئتى تقولين هذا ثم توقفتى لماذا لأنك غير واثقة من الخطوة .
هل تجرحين أهلك هل تتوقعين الفشل أم هو الخوف من نظرة الناس؟
أما أنا فسكت لم أعرف ما أنصحها به هذه المرة أيضاً ....

هناك 18 تعليقًا:

IMSA يقول...

بغض النظر عن إرتداء الحجاب من عدمه ..
أريد أن اقول شيئا ، على المرء أن يقوم بما هو مقتنع به ، إن كانت هي مقتنعة بالحجاب كفرض وطاعة لله فعليها بإرتدائه ، إن لم تكن مقتنعة ، فعليها أن تهتدي بنفسها إلى ما تريده أو الصواب بالنسبة لها ..
//
من حيث كونها تخشى من نظرة المجتمع ، فالمجتمع ليس الله ليملك في يديه الثواب والعقاب ومفتاح الجنة ومفتاح النار ..
//
إن كانت تفعل ما تفعله خشية مجتمع فعليها أن تتذكر أين توجد راحتها النفسية والمشكلة ليست مشكلة حجاب من نقاب من أمور أخرى تُفرض على الجميع ..
بل الأمر هو عملية إيمانية إقتناعية بالبحث عن الصواب وتطبيقه ..
//
تحياتي elvira وتقبلي ردي ومروري

ELVIRA يقول...

المشكلة عندها هى انها لما أرتدت الحجاب كانت فاكرة ان هو دة الصح واحدة فى فترة المراهقة أكيد كان سهل التأثير عليها

حاليا هى تريد خلعه لكنها لا تقدر للأسباب السابقة، و هل سهل جدا انها تعمل دةمن غير أى موافقة من أى حد من أهلها لو اتخذت هى القرار
هى المشكلة فى الأستقلال لأول مرة برضه صعبة

Tears يقول...

الخرقة فعلا مش فرض و ادى صور خريجات الازهر قبل النكسه بما فيهم سعاد الصالح و يتوسطهم الشيخ الذهبى نفسه و ما كانش لسه اخترعوا الخرقة و الستات كانوا طبيعيين

http://tears-demo3.blogspot.com/2010/10/blog-post_28.html


و هنا ابحاث و كتب لازهريين و اساتذه فكر اسلامى و ادله انه مش فرض
http://tears-demo3.blogspot.com/2009/12/blog-post_8989.html


و هنا مدونة كاملة
http://tears-demo3.blogspot.com/2010/06/blog-post_04.html


طاعه ربنا مش بحته قماش على الشعر اللى هو اصلا شكله وحش عند غالبيه المصريات و اللى ما يجيش حاجة جنب العيون لو ح نمشى بالمنطق المريض

القرآن مش كتاب ازياء و الدين مش تافه عشان يسيب الجوهر و يمسك فى المظهر

و المراه مش وعاء جنسى و لا عار متحرك عشان نخبيها و لو فيه حيوان بيغريه شوية شعر يروح يتعالج عند دكتور بيطري بدل ما يطلع روحها من الحر و يخليها ماشية مكسورة من منظرها و شبه الخدامة و هو ماشى لابس شورت و حاطط جيل و فاتح القميص.... بالمنطق ده مش لازم هو كمان يتحجب عشان ما يغريهاش و لا هى مش بنى آدم؟

دعاه الخيم و لف القماش دى عالم متخلفة عندها كبت جنسى و عقد و مركبات نقص و عايزة تطلع ضعفها و قله حيلتها فى التسلط على المرأه عشان تبقى ماشية بتجرجر هدومها زى ما بتجرجر خيبتها

معلش طولت عليكي و اكلمت بشكل حاد بس فعلا اتفقعت مرارتى من المجتمع المتخلف و اللى بيطلع فى وشى يقولى خرق قماش بقيت بعوره!

ELVIRA يقول...

Tears

انت اتفقعت مرارتك طب هى تعمل أيه البنت دى كانت بالظبط زى ما أنتى شاسفة بنات البلد كلهم لكن دلوقتى هى مقتنعة أشد الاقتناع بكل اللى انت قلته مشكلتها دلوقتى هل هى هتقدر تخرج من المستنقع دة ولا ارادة القطيع بما فيهم أهلها هى اللى هتكسب


بمناسبة ان المرأة مش بنى أدمة و مش هتثار من فتنة أى رجل
انا قلت الكلام دة قبل كدة مع مجموعة بنات فوجئت بأنهم مقتنعين بأن الست معندهاش غريزة جنسية اساساً

elmasryeffendi يقول...

دى مشكلة بنات كتير فى مجتمعنا المتخلف اللى جرى و را اى حاجة و السلام مع ان هويتنا المصرية هى الاصل فى كل شئ و وسطيتنا التى كانت هى ما كان يجب ان تستمر و لكن مع المد الوهابى المتخلف بدانا بالحجاب و الان النقاب الذى اصبح ينتشر، انا كان عندى نفس المشكلة مع خطيبتى السابقة و بكل بساطة قلت لها اقلعيه لو حاسة انه مفروض عليكى من اهلك و استغربت قوى ان فى راجل شرقى بيفكر كده، شكلنا بقينا حاجة غريبة مع ان ده كان الاصل

Tears يقول...

ياريت تنصحى مجموعه البنات دول يروحوا لدكتور امراض نساء و اخر نفساني بسرعه لان كده فيهم حاجة مش طبيعية او عندهم برود و ده كلام علمي

او قد تكن تمت ممارسة جريمة الختان ضدهن و بالتالى عليهم اخد حقهم و الابلاغ عن المجرمين

عارفه اكتشفت ان فيه ستات تستاهل الضرب و الظلم بتاع المجتمع
.................................
اما بالنسبة للبنت اللى ادبست فى الخرقة و بقى منظور الشرف و الاخلاق مرتبط بيها فعمليا لو خلعته مش ح تعرف تجوز لان واضح انها فى بيئة بتدعم فكرة القماشة و لو فضلت لابساها ح تجوز واحد من البيئة دى يقمعها اكتر و تعيش فى جحيم و تخلف مقهورات صغيرين

يمكن ربنا يرزقها بواحد مسلم اسلام جوهر من اللى كان فى مصر قبل النكسة بس على فكرة دول نادرين

اما لو موضوع الجواز مش فارق معاها فتاخد الكتب و الابحاث الازهرية و الصور اللى انا حطاها و تقلع القماشة و اى حد فى اهلها يعترض توريهاله و تقوله دى اختيارى و القماشة مش الركن السادس و الله هو الحكم العدل

ELVIRA يقول...

elmasryeffendi
و الله على كدة احنا نعتزل كلنا فى جزيرة طالما الواحد منا عايش فى غربة بسبب أفكاره فيجب على الاقل نعمل نادى لأى واحد أو واحدة طهقت من الضغط الوهابى دة
ممكن تكون خاطبتك فاكراك بتعلها أمتحان و قالت تفضل متمسكة بالمبدأ علشان متغلطش قدام اى حد

ELVIRA يقول...

Tears
انت طبعا عارفة انى ليبرالية فى تفكيرى و ان الحرية المفروض تكون الاساس اللى نتعامل به مع بعض لكن فعلا قليلا من الديكتاتورية لن يضر طالما فى الطريق السليم .... و البنات دول يستاهلوا اللى يحصلهم

جوزيف بطرس يقول...

أنا مش عارف إذا كان ممكن تدونى الحق أنى أجاوب على الموضوع ده بما أنى مسيحى... بس أنا عاوز و نفسى أقول إنى فاكر الأيام الحلوة اللى كانت البنات فيها بنات. و كان لما واحدة تمشى فى الشارع متعرفش إذا كانت مسيحية و لا مسلمة، الحجاب تسبب فى إنقسام المجتمع و قلب الموازين قلبة غلط. دلوقتى لو ولد شاف بنت من غير حجاب أول كلمة هيقولها هى "شايف فتاة الليل دى؟" (طبعا مش بيقول فتاة ليل و بيقول كلمة تانية مش محترمة!)

أنا حاسس إن فى حاجات مش مقتنع إنها موجودة فى الإسلام و الناس هى اللى اخترعتها زيادة فى التقوى، يعنى مثلا بقى حرام إن الراجل يلبس دبلة ذهب و معتمدين فى كدة على (المتشبهين بالنساء)... يعنى حتة الدبلة دى خلتنى شبه البنات؟؟؟ برضه الحجاب ملهوش أساس سليم، ايه الذل اللى حطوا البنات فيه ده؟ ده أنا عندى واحدة زميلتى فى الكلية كانت محجبة و بعد كدة قلعت الحجاب، طبعا كل الولاد بصوا ليها على أنها (فتاة ليل) و البنات بصوا ليها على أنها مذنبة و قاطعوها. طبعا أنا مسيحى فمكنش فارق معايا و لما اتعرفت عليها لقيتها بنت محترمة جدا و مش زى الناس ما بيقولوا عليها.

جوزيف بطرس يقول...

أنا حاسس أن احنا مبقيناش مصريين... بقينا مسلمين و مسيحيين، بقى دلوقتى تلاقى واحد مسلم بيقول لصاحبه المسلم "عندى صاحبى مسيحى عمل كذا و كذا..." مع إن معلومة إن صاحبه مسيحى ملهاش علاقة بالموضوع و هى معلومة مش هتفيد أصلا فى حاجة!! و كمان عندى فى الكنيسة لما أجى أحكيلهم عن أصحابى الأنتيم اللى فى الكلية و أقول أسم حد فيهم (زى طارق مثلا!) ألاقى اللى قدامى وشه أتحول و قاللى بفزع "ده مسلم؟؟!!" و كأنى بقوله أنى مصاحب بن لادن شخصيا!!

ربنا يرجع الزمن الجميل... الزمن اللى كان فيه البنات بتلبس مينى جيب و محدش كان بيعاكسهم، الزمن اللى مكنش فيه تحرش جنسى بالطريقة دى، الزمن اللى كنا بنحترم فيه أثار أجدادنا و منبقاش عايزين نكسرها، الزمن اللى كان فيه مصريين...

أنا آسف، بس من رأييى أن صديقتك متقلعش الحجاب... و إلا هتواجه كلمة فتاة ليل للأبد!!

Masry Free يقول...

عندى سؤال على صله بهذا الموضوع لماذا لا يرفض المجتمع الشاب الذى يطلق لحيته عندما يغير رأيه ويحلقها؟ أعتقد ان ده تميز ذكورى فج ضد المرأه وليس له أى علاقة بالدين. لكن ليه المجتمع كله تقريبا أتفق على أن شعر المرأه لازم يتغطى؟ أعتقد أن موضوع الحجاب فى بدايته كان فيه شق أقتصادى لأن العنايه بالشعر والمظهر شيئ مكلف

ELVIRA يقول...

جوزيف بطرس

أكيد من حقك ان تتكلم هنا زى ما أنت عايز مفيش فرق عندى أنت ديانتك أيه بالمناسبة أنا عندى اقارب مسيحيين
اما عن تعليقك فأنا مقدرش أزود عليه كلمة ... كمان كلامك جى فى الصميم أوى

ELVIRA يقول...

Masry Free

كلامك صح هى فعلاً عنصرية طالما البنت بالنسبة لهم كبش المحرقة فى كل مصيبة يبقى يقفوا فى صفها ضد الولد ليه
و عموما عندك قبل انتشار الحجاب كانت البنات بتعتنى بشكلها و مظهرها مكنتش حكاية انه مكلف أو غالى تفرق مع حد هى مشكلة عقول

و حتى فى مشكلة البنت دى هل تعتقد ان أهلها مقتنعين اصلاً بالحجاب أبداً دول بيعملوا كدة لمجرد ان هو دةالنظام اللى ماشى

جوزيف بطرس يقول...

الحجاب كان البداية... بعد كدة بقى حرام إن البنت تسلم على الولد بإيدها. أنا ولد و بقولكم أهو أنه عمرى ما حسيت أنى مثار جنسيا لما بشوف شعر بنت!! و عمرى ما حسيت أنى مثار برضه لما سلمت على واحدة بنت!!

قريب جدا الحجاب هيتلغى و هيلبسوكم نقاب ، بعدها على طول هيقعدوكم فى البيوت. و بعد كدة هيبطلوا يعلموكم بحجة إن البنت المتعلمة الشيطان بيلعب فى دماغها و يفهمهما إن الأفكار الوهابية دى غلط!

الله يرحمك يا شيخ محمد عبده و يا قاسم أمين... كل اللى بنتوه اتهد تانى!!

ELVIRA يقول...

جوزيف بطرس

اه بجد الله يرحمهم بس انا متأكدة ان الأمور مش هتوصل الى الحبس فى البيت أو التعليم ... أحنا برضه مش فى السعودية و انا اعرف ناس كتير يأيدوا الحجاب و الكلام دة كله لكن أول ما يسمعوا وهابية او السعودية بيبقوا كأن حد وصل فيهم سلك كهرباء عريان

Desert cat يقول...

كتير لابسين الخرقة دى ارضاء للمجتمع ولكن مهما فعلت فلن يرضى المجتمع لانه مجتمع تافه طالما تملك مقومات الحياة انصحيها تتحرر وتحيا كما تحب هى لا كما يحب المجتمع

جوزيف بطرس يقول...

Desert Cat
الكلام ده لو احنا فى مجتمع فيه مساواة بجد... بس احنا فى مجتمع ذكورى و البنت فيه مقهورة!

ضحكوا عليكم و قالولكم إنهم أدوكم مساواة و علموكم و سابوكم تشتغلوا... بس هما عملوا كدة عشان يخدروكم و يعرفوا يعاكسوكم فى الشارع و يتحكموا فيكم و خلوكم عورة من أول شعوركم لحد أظافر رجليكم

بس إنشاء الله الأوضاع تتغير

Kontiki يقول...

مشكلة هوية هل الايشارب بعد اعتبارة جزء اساسى من الدين الاسلامى هل هو حقا يعبر عن هوية الفتاة وشخصها و شخصيتها ولا يطمس هويتها ! المفروض الاساس هو الاقتناع الداخلى من الفتاة والا ستصبح مسخ لارضاء مجتمع قذر !