It matters not how strait the gate

How charged with punishments the scroll.


I am the master of my fate


I am the captain of my soul

الخميس، 14 أكتوبر 2010

عريس الغفلة

برغم أنى فى بداية حياتى العملية يعنى لسه باقول ياهادى  الا انه تقدم لى عريس
لم أكن أعرفه من قبل لكنه من نوعية الأقارب البعيدين الذين لا تتعرف عليهم الا مرة فى العمر فى الغالب فى العيد او زيارة

فى البداية أقول كان مهذب جدا يرتدى ملابس تامر حسنى بالضبط حتى تسريحة الشعر و النظارة _ هو حر _  بعد هذه المقابلة  فوجئت بعمتى تقول لى عارفة (خ ) اللى كان موجود امبارح فى بيت جدك .  قلت أه شوفته

دخلت عمتى فى الموضوع على طول : بصراحة انتى عجباة أوى بيقول ان أخلاقك كويسة و عايز يتقدملك بس له شرط واحد هو انك تلبسى الخمار !!!!

لم أتمالك نفسى من الضحك  وهو ما أحمد الله عليه  حتى لا أصرخ فيها 

هناك 13 تعليقًا:

شريف القاضى يقول...

يعنى بتقولى لابس تامر حسنى وعامل شعره زيه ..وعاوزك تلبسى نقاب ..أمال لو مربى دقنه كان عمل ايه ؟؟؟

ELVIRA يقول...

شريف القاضى

كان عايزنى ألبس خمار أما لو كان بدقن فأكيد نقاب وماطلعش برة البيت طبعا

Elmasryeffendi يقول...

اه ما هو يعمل اللى هو عايزه و يبين شعر صدره انما يعمل فيها عم الشيخ على اى بنت و عاوزها تتحجب او تتنقب اصل هو ده الاسلام اللى اتعلمه من امراء الفضائيات، شعب متناقض و متخلف و حاصر الاسلام فى اللبس و المظهر بس لانه بقى شعب سطحى متصحر و بياخد علمه من البدو الظلاميين المتخلفين

MSMO يقول...

LOOOOOOOOOOOOOOL
هموت من كتر الضحك
الله يكون في عونك ومتقابليش من العاهات دي كتير مع إن كل واحد دلوقتي شايف حكاية الخمار والنقاب شرط أساسي للجواز مش هنقول حجاب علشان ده خلاص أصبح أمر مفروغ منه

ELVIRA يقول...

elmasryeffendi

و الله القاعدة الأساسية فى مصر هى أن تبدو وليس أن تكون و المهم ان البنت ترضى غرور البيه


Msmo

على كدة يبقى القاعدة من غير جواز أحسن بدل ما يجى حد يتأمر و يتشرط على الواحدة

فى زمن أصبح الشعار فيه هو
تكفنى لتتزوجى

Kontiki يقول...

looooooooooool
ومالة يا اختى تحجبى ثم تنقبى ثم تخمرى هههه مش بقولك الدقون ساعات بتبقى فى العقول اوعى اوعى اوعى مهما حصل حتى لو حبيتى حد يقولك اتحجبى و تسمعى الكلام اوعى تطمسى نفسك و هويتك عشان اى ابن كلب اوعى بجد حتندمى ارجوكى مهما حصل و مهما كان سنك اوعى دلوقت او فى المستقبل

ELVIRA يقول...

Kontiki

لا طبعا مش ممكن أتنازل عن شخصيتى و هويتى علشان أى مخلوق فى الدنيا دى

انا انسانة و حرة أولا وقبل أى شئ

IMSA يقول...

بصراحة حاجة تموت من كتر الضحك
عم تامر حسني عايزك تتخمري
اومال لو كان عمرو خالد كان قالك ايه
وعلى رأي عادل امام من فوق مأنتمة مع عمرو خالد ومن تحت مع عمرو دياب
مع عكس المثل على الباشا عريس الغفلة
التناقض في شعبنا اصبح عامل مخيف
اسمعي كلام kontiki من غير لفظ ابن الكلب .
بمعنى ما تعمليش غير اللي انتي مقتنعة بيه فقط
تحياتي ..
اتمنى قبول التعليق

Tears يقول...

ده قليل الادب اصلا و جاهل و باين اوى شخصيته و مش عارفه ازاى حد فى عقلك و قوة شخصيتك يكتفى بمجرد الضحك انا لو منك كنت اصريت اشوفه تانى و اسمعه من المنقى خيار عشان يعرف ان عنده عقد و مركبات نقص يروح يدور على واحدة جاهلة و لا منكسرة يطلعها فيها و يجرها وراه زى البهيمة و دول ماليين البلد

بجد اسفة بس انفعلت من الموقف و انك سبتيه من غير ما تاخدى حقق و تهزقيه

اوعى تزعلى عليه و انا عارفه ان اغلب الرجالة كده و على الاقل ح يقول لك اتحجبى عشان شايف الست عورة و عار لازم يستخبى بس حتى لو بقيتى لوحدك احسن الف مرة من راجل متخلف شايف المرأة وعاء جنسى مثير فعايز يلفها فى خيمة

ELVIRA يقول...

IMSA

عندك حق و انا طبعا مش هغير شخصيتى علشان واحد أو عشرة زى دة
البلد مش ناقصة عُقد أو جهل

ELVIRA يقول...

Tears

عارفة أنا قعدت أضحك من الموقف بسبب أنى عمرى ما أخفيت أفكارى سواء عجبت الناس أو لا
اللى أستغربته انه عارف دة من تصرفاتى و برضه فاكر انى هاقبل اما ليه ماقبلتوش تانى علشان أنا مش عايزة أشوف خلقته أبداً

و أنا عمرى ما هازعل على النوعية دى أنا كويسة أوى زى ماأنا كدة

بس تخيلى فى كام واحدة ممكن تفقد حريتها بالطريقة دى

Tarkieb يقول...

أنت كان لازم برضه 0تعرفي ده لوحدك .. متشدد أكيد ..ده واحد مربي شعر صدره

Boneta يقول...

من بره الله الله ومن جوه يعلم الله بلدنا بلد المتناقضات عقول مريضه مستخبيه تحت المظاهر الكدابه
الله يعينك علي العقول اللي من النوعيه دي.