It matters not how strait the gate

How charged with punishments the scroll.


I am the master of my fate


I am the captain of my soul

الجمعة، 16 يوليو، 2010

حلول ذهبية

لا أعرف لماذا كنا قساة فى الحكم على السلفيين و من تبعهم
لكن الحمد لله اننا تبنا و عرفنا ان همهم الوحيد هو تسهيل الحياة على خلق الله 
يا سادة أقدم لكم الحل الرائع الذى سيحل كل مشاكلنا

ابتدا من الغلاء الفاحش و البطالة و الزواج و الامراض وحتى الثانوية العامة التى قهرت كل وزراء التعليم اللى فكروا بس يشتغلوا فيها
الحل ببساطة دعاء صغير قوله من هنا و مشاكلك تتحل من هنا 
بلا تعب بلا عمل بلا علم الحل السحرى موجود نتعب نفسنا ليه؟؟؟

و إذا كابرت وعاندت  و كفرت و لم تصدق فصدق من جرب هذا الحل العبقرى
254817 people have sent this to friends
انا مش عارفة احنا بنتعب نفسنا ليه !!!!!

هناك 5 تعليقات:

elmasryeffendi يقول...

ياااااااااااااااااااااه هو وصلكوا كمان ؟ انا بيوصلنى الاف الرسائل من النوع ده و بتحلفنى باغلظ الايمان انى ابعتها لالف مليون واحد ، حاجة غريبة انهم ينشروا هطلهم بالقوة و السرعة دى و مش فالحين فى اى حاجة نافعة و الواحد يعمل موقع و يطلع عينه فيه عشان بس يزوره عشرتلاف و لا عشرين الف واحد، اه يا امة ضحكت من جهلها الامم

ELVIRA يقول...

هتعمل ايه جهل بعيد عنك لكن بصراحة ايه اللى يخلى العدد دة كله معتقد فيها

Kontiki يقول...

المشكلة مش فى الدعاء المشكلة العقول اللى بتفكر ان الدعاء هو الحل الكافى الجامع المانع الوحيد لحل جميع المشاكل ، اعتقد كلنا محتاجين شحنة روحية او صلاة او دعاء عشان نقدر نواجه الحياة لكن الدعاء وحدة غير كافى للاسف مع موجة التدين و الفضائيات سمعت طالب ابتدائى من مستوى اجتماعى راقى - 9 سنوات - رافض المذاكرة وبيدخل البلكونة يدعى ساعه الاذان عشان ينجح ولما قلتلة المذاكرة برضة مهمة قالى لأ الشيخ اللى بيحفظنى قرآن قاله ان قدرة ربنا فوق كل حاجة فاقترن مع الطفل ان هو دة الحل اة بالمناسبة وطلب من والدة انه يطلعه الحج قبل سنة رابعه ابتدائى عشان يدعى هناك ويبقى ناجح طول عمرة ! اما بقى الشاب المتدين اللى طلب من خطيبتة انها تلتزم بالصلاة والدعاء الكثير جدا عشان ربنا يحل مشاكلهم ويتجوزوا دة طبعا بدلا من مواجهه المشاكل وتحديدها وحلها بالعقل و المنطق والجهد و العمل عشان يفتحوا بيتهم بفلوسهم ! والله امثلة حقيقية وعلية العوض

Tears يقول...

يا بنتى فيه ناس غريبه اساسا و كل كلامهم بيعتمد على التظاهر قدام الناس بالتقوى لكن واقعيا مش بيكونوا كده


ربنا رب قلوب و الدين معاملة مش اعلانات و مظاهر و تطرف

ELVIRA يقول...

Kontiki

عندك حق المشكلة مش فى الدعاء الحاجة اللى تغسيظ هى كل هذا العدد الذى يفكر بتلك الحماقة

Tears
المهم هو ان تبدو وليس ان تكون هذا هو شرط الحياة فى هذه الامة فى كل شئون حياتها من المهد حتى اللحد