It matters not how strait the gate

How charged with punishments the scroll.


I am the master of my fate


I am the captain of my soul

الخميس، 16 يونيو 2011

مليون لحية على شهر رمضان

عايزين مليون لحية على شهر رمضان علشان نحرر القدس و نصلح الاقتصاد و نوفر فرص عمل 
ويا سلام لو بقت 80 مليون كما يتمنى السلفى محمد حسان و سواه  ، كنا هنحكم العالم

بس فى مشكلة 
 مصر فى اخر الاحصائات اصبح عدد سكانها يقارب 88 مليون  ، و عدد الرجال يقارب عدد النساء 
دة غير الاطفال اللى لسه ميعرفوش شكل مكنة الحلاقة ، و هناك طبعا المسيحيين كيف سيطلقون لحيتهم معنا فى رمضان
كما نسى الشيخ الكريم ان يحل تلك المعضلة بتحليل وضع لحية من شعر الجدى ام ان الشعر هنا ايضا حرام ويجب وضع حجاب خاص بالحية فى حال وضعتها سيدة

حاجة تشيب الكتكوت يا جدعان

هناك 9 تعليقات:

كريمة سندي يقول...

والله مش عارفة أقول إيه فقد بدأ أسلوب التجريح والرسوم بين شد وجذب عند المصريين بالذات

ومسألة المليون لحية دي حملة لا أعرف لماذا تشكل أهمية كبرى خاصة وفي اعتقادي أن عدد الملتحين في مصر تفوق المليون إن حسبنا معهم الأزهر الشريف والإخوان المسلمين والسلفين وغيرهم فهل الدين أصبح شكل ظاهريا فقط !!

ELVIRA يقول...

كريمة سندى

نعم هناك شد وجذب فى مصر خاصة الأن و الحق اقول ليس كل الاخوان ملتحين او يضعون اللحية فى أعلى قائمة الأولويات لكن السلفيين لهم طابع غباء سياسى فى محاولة فرض مظهر دينى دون الاهتمام بالجوهر طمعا فى كسب شعبية بين الناس
صحيح عدد الملتحين فى مصر يفوق المليون لكن هل يجب ايضا حث الناس على اتخاذ مظهر معين للترويج لأتجاه فكرى او سياسى

كريمة سندي يقول...

معاك حق .. المشكلة في السلوك والمظهر الخارجي للسلفين فعندنا في السعودية مثلا الوهابين يطلقون اللحى ويقصرون الثوب ويمضغون المسواك وأي شخص يخالف مظهرهم فهو في نظرهم خارج عن الملة طبعا ليس عند الأغلبية ولكن المتشددين جدا تحياتي

Ms Venus يقول...

قريت مقال ساخر لاسعاد يونس فقالت جملة فيه لفتت انتباهى

كانت بتتكلم عن اللى بيحصل وعن اللى بيطلقوا على نفسهم سلفيين وليهم منظر ولبس معين

قالت هو يعنى الكفار زمان كانوا بيلبسوا بدل وكرافتات ؟



ما كان بردو ده لبسهم وده شكلهم


ايه قيمة اللبس والشكل والقلب من جوة اسود ومليان غل وحقد وكره للناس وللدنيا وحتى للنفس

ELVIRA يقول...

Ms Venus

ازاى يا فينوس تقولى كدة دة عيب اوى انتى نسيتى اننا مجتمع كل اهميته و كرامته تأتى من اللبس و ليس الاخلاق و المعاملات
و ان العفة و السرف برضه فى اللبس و المظهر مش التقوى اللى فى القلب ، التقوى فى الطرحة

Tarkieb يقول...

فأما الزبد فيذهب جفاء ...الناس دي قشور واتكشفت في ليلة وضحاها...كأن الاسلام اصبح لحية وجلابية ....سيبيهم يتكلمو ان كلامهم دليل خوائهم ..على راي المثل ياقشرة مالك كشرة

ELVIRA يقول...

tarkib

معتقدش انهم انكشفوا لسه فى ناس كتير بتصدق كلامهم
التحسن الوحيد ان بعض افراد الكتلة السالبة بقوا بيعبروا عن خوفهم من حكم الاخوان و السلفيين

فارس عبدالفتاح يقول...

لقد قمت بوضع تعليق ولم اجده فهل انت حذفيه ، واذا كان ذلك كذلك ، فلماذا .

ELVIRA يقول...

لا أبدا يا فارس ، ربما هى مشكلة تقنية فأنا لم أحذف اى تعليق كتبته عندى
و إذا تفضلت و كتبته فسوف انشره

تحياتى