It matters not how strait the gate

How charged with punishments the scroll.


I am the master of my fate


I am the captain of my soul

الاثنين، 11 أبريل 2011

من وحى التحرير


ثورى أنا و تلومونى
بمجئ الحرية ظننتكم تعشقونى
من غير أجندة ولا كراريس
أنا اللى وقعت الرئيس
تقولون أنى لا أعرف إلا فن التنغيص
و مطالبى بسرعة هتتحقق
و إلا الثورة فى شرم الشيخ

ثورة أيه دلوقتى يا عم الثورى
ما تروح بقى يا شيخ
ياعم الثورة حلوة بس كله بالمعقول
أنا مواطن غلبان مش عايز غير طبق الفول
طعمية بسمسم أو حتى بالسم أهى وجبة
و لا يكونش المحاكمات هى بس اللى واجبة
البلد بتولع نار و أنت بتقولى الميدان
دة ولا كأن مالطا بقى فيها أدان
مفيش زراعة ماهى بقت خرابة

زيها زى السياحة
يا ميت خسارة
عيب كدة يا ثورجية
خليتونا فريسة الإخوانجية
كرهتونا فى الحرية بعد ما بقت دموية
بتقولى إستفتاء بفساد ورشوة
ليه ؟ هى البلد بقت بيعة و شروة
سلفية و إخوان و كنيسة و إعلام كسيح
أنت يهوذا و لست المسيح

*************

هناك تعليقان (2):

Kontiki يقول...

افهم من كدا انك فلول زييى كدا :) علية العوض

ELVIRA يقول...

Kontiki

ربما نحن متهمون بأننا فلول النظام السابق مع أن كل همنا ألا تخرب البلد أو تقع فى يد الإخوان و أمثالهم أو تحدث فيها فتنة لا قدر الله
بس هتقولى أيه بعد ما تقسمت الحياة الساسية إلى الثوريين أو المرتشين