" الله يكون فى عون شعب ليبيا على اللى هم فيه " كلمة سمعتها أكتر من مرة بعد خطاب القذافى لكن بعيدا عن النكد وجدت بعض التعليقات من أشخاص اتسموا بخفة الدم و لسان حالهم يقول " ليه نخلع الراجل الدماغ دة ، دة كدة مش هنلاقى حاجة نضحك عليها "
و اللى مش مصدق يشوف
و اللى مش مصدق يشوف
و دى بقى من الكتاب الأخضر اللى هيحل مشاكل الكون
أخر الهتافات فى ليبيا " الشعب يريد انهاء الخطاب "
هناك 10 تعليقات:
:) مش عارفة ضحك ولا ازعل على شعب ليبيا استتحمل ازاى المجنون دة الله يرحم السادات كان مهزئة دايما :) صدقينى امبارح بعد الخطاب قلت مبارك افترى بس كان عاقل على الاقل ! تقريبا هو حيتقتل او حيموت الشعب الليبى كلة النهاردة ! :(
بالمناسبة انا مش مع تدخل جيشنا هناك الا عشان المصريين انما يخلعه لأ ملناش دعوة دم العسكرى المصرى غالى اوى.
بالمناسبة وحشتونى و وحشتنى التدوين بس الاحداث اكثر من قوة احتمال مخى و اعصابى انا مبسوطة انك لسة قادرة تكتبى يا جميل .
Kontiki
لا طبعا نزعل على شعب ليبيا بس صحيح شر البلية ما يضحك
على الأقل مبارك كان عارف امتى يقف و يتخلى عن السلطة لكن دة عايش فى واقع أخر تماماً
المشكلة حاليا مع المصريين فى ليبيا اللى عددهم عدى المليون بيتهيألى صعب كلهم يرجعوا بسرعة حتى مع الجيش
و على فكرة أحسن حاجة تعمليها هى أنك تكتبى و تدونى اللى أنتى عايزاه مهما كانت الظروف لأن المدونات دى مهما كان هى دنيتنا الصغيرة اللى نقدر نعملفيها اللى أحنا عايزينه يعنى مملكتك الخاصة
أنا طول عمرى بتفائل بمدونتك و عايزة أشوف فيها الجديد لأنها رقيقة بجد
انور السادات كان مسمية مجنون ليبيا
ده حله انه يتقتل لان مافيش حل للتفاهم لان ردود فعله مش طبيعية ده طالع يشتم شعبه
وزير العدل المستقيل عنده قال ان لما قاضى حكم فى قضية بالبراءه و القذافى شايف انهم ياخدوا اعدام حبس القاضى حتى اليوم
Tears
تعرفى شكلها كدة هتبقى نهاية دموية فعلا خصوصا بعد ما وضح للعالم ان الراجل دة مش طبيعى ... و خطر على المنطقة
الفيرا :
كيفك ؟ تحية لقدرتك ع التدوين في ظل تلك الأحداث ...
بخصوص الغبي المتخلف معمر القذافي " إلهي تضرب في وشه " ...
الراجل دا يا إما أهبل يا عبيط لكن اللي بيعمله دا بيتسمى هبل وعبط ودموية ويا ريت يتم محاكمته دوليا على الدم اللي إراقه طوال حياته ..
الراجل عمل مذبحة كاملة ويقول الحل دا سلمي أمال لو دموي كان رده هيكون إزاي ؟ ..
ربنا يستر على أخواننا الليبيين ..
IMSA
ألف شكر على التحية ماهو الواحد مش ممكن ميكتبش أى حاجة عن اللى بيحصل دة قدامه و يبقى طبيعى
القذافى دة يستحق عن جدارة لقب نيرون
كنت سأسميه كاليجولا لكن صعبت على مدونتى
و قال أيه داخل بتقله كله و بالجيش و بالطيران طب لو بيحارب اسرائيل كان عمل أيه ؟
مش عارفة يا الفيرا اضحم ولا احزن
ربنا يقوى شعب ليبيا على المجنون ده
Ms Venus
مجنون و رسمى بشهادة الدكتور احمد عكاشة زى ما قال عنه أنه عنده إضطراب بارانويد مع الحاجة للظهور و التميز
و الراجل دة مش هيبقى زى مبارك أو بن على دة هيقتل نفسه يأما شعبه يقتله أو يقبضه عليه و يحاكموه
بامانة مش بقدر امسك نفسى من الضحك كل لما افتكر منظره وهو بيخاطب الشعب من داخل التوكتوك
الراجل ده حتة شكولاته مغلفة بكل انواع المخدرات علشان اللى بيعمله فى الشعب الليبى ده
Desert Cat
لا أكتر من التوكتوك فاكرة صورته و هو عامل زى النينجا و قاعد ممغطى وشه انا كنت هافطس ساعتها على روحى من الضحك
لو حد شاف الفيديو بتاع قناة العربية على طرائف القذافى يبقى هتشوفى العجب
إرسال تعليق