It matters not how strait the gate

How charged with punishments the scroll.


I am the master of my fate


I am the captain of my soul

السبت، 12 فبراير 2011

بواقى ميدان التحرير

مين اللى قاعدين فىميدان التحرير دلوقتى ، مش اللى أنتوا عايزينو حصل ؟ روحوا بقى خلينا نصلح البلد

هناك 9 تعليقات:

MSMO يقول...

انت زعلانة قوي من اللي في الميدان ليه عامة اللي في الميدان ناس بتكنس وبتغسل الميدان قبل ما تمشي عايز تنضف البلد زي ما هتعمل في كل حتة في مصر

ELVIRA يقول...

MSMO

أبداً أنا مش بتكلم عن اللى بينضف هناك أو يحاول يصلح حاجة لكن أنا قصدى هم اللى قاعدين هناك من الأخوان و غيرهم من اللى شايفيين أن كاميرات العالم عليهم فقالوا مش هيمشوا

و انا أعتقد أن الكل متفق معايا فى نقطة أن كل ثورة فيها ناس عايزيين ينطوا عليها

MSMO يقول...

أنا مش عارف الأخوان تاعبين الناس قوي كده ليه مع إنهم سياسيا لا يصلحوا وكلمة ينط اللي الناس ماسكة فيها هو مين اللي يقدر ينط علي ثورة عملها الشعب كله والشعب قال كلمته دولة مدنية لا حزبية ولا دينية وما أعتقدش إن الشعب المصري بعد كل اللي عمله عبيط علشان ينخدع بكلام أحد ثقي في الشعب وستكسبي وعلي فكرة مفيش حد قاعد دلوقتي مش بيشارك في إصلاح الميدان حتي لو كانوا إخوان ومعلهش لسنا نحن من يقرر من يستحق الحرية ومن لا يستحقها الحرية متاحة للجميع ولو مش عايزة إخوان شاركي في الحياة السياسية واسقطي الإخوان اللي عمالين قلق مكن تقراي البوست ده حتي تكتشفي زيف بالونة الأخوان اللي نفخها النظام السابق
http://klammganyn.blogspot.com/2011/02/blog-post.html

MSMO يقول...

نسيت أقولك حاجة في ناس بايتة في الميدان كمان علشان تحتفل بحاجة اسمها حرية وفي فرق كتير هيعملوا حفلات النهارده لو حابة تروحي وتشاركي وبالمرة تتفرجي علي الأخوان اللي هيسمحوا بكل ده

ELVIRA يقول...

الاخوان تاعبين الناس أوى لأنهم متعبين فعلا و بميت وش تذكر مواقفهم المتغيرة من الثورة ثم محاولة الأدعاء بأنهم أصحابها

خوفى منهم ليس كثرة العدد بل تنظيمهم و اذا قلنا مثلا أن هناك 8 مليون مسيحى لن ينتخبوا الاخوان فالأولى هو كم منهم سيذهب الى الانتخابات و كم منهم وصل الى السن القانونية للذهاب الى الصناديق
و كما قلت أنت نحن شعب عاطفى من يضمن أن يستمر حال الناس على كلمة دولة مدنية و هم أساسا لم يعرفوا السياسة الا منذ وقت قريب عندما يبدأ اللعب على نغمة المشاعر الدينية فى دولة غير مثقفة

و اذا قلنا ان هذا سيتغير فى النتخابات القادمة لأن الناس لم تعد سلبية فكيف نضمن هذا المستبل و نحن لم نره بعد

Kontiki يقول...

بيقولوا الاخوانجية قاعدين عاوزين شقق و اعانة بطالة يدوب طالما مش بيعرفوا يشتغلوا ولا يكسبوا شخصيات عالة على غيرها

ELVIRA يقول...

Kontiki

يا عزيزتى دول لسه عايشيين فى عصر الحكومة اللى بتأكلهم فى بقهم ، و زى ما انت قلتى عالة على الناس و المجتمع

تخيلى كدة علشان نرفع الاجور كلها و ندى إعانة بطالة للكل فى وقت واحد و فى كل مصر هل دة هيحسن البلد
لا يمكن
لازم شغل و انتاج الاول

Kontiki يقول...

ياريتها ع الاخوان بس الثوار المزعومين قاعدين هناك و ناويين على خرابها عاوزين مظاهرات مليونية الجمعه الجاية !! كفاية بقى تعبنا وقلقنا و محلاتنا اتسرقت و سمعنا ضرب النار فى الشارع و شفنا اقسام الشرطة محروقة مش عاجيهم الجيش و بداءوا يحتكوا بالجيش عاوزين يفضلوا فى الخيم مش عاوزين المشير طنطاوى باختصار عاوزين يخربوها رسمى يمكن المدعو وائل غنيم يبقى هو قائد القوات المسلحة ولا اى فيسبوكى من اللى كانوا فى التحرير خريج تجارة يبقى هو وزير اقتصاد !! حتتخرب رسمى بسببهم حتخرب تماما لان الشعرة بين الديموقراطية و الفوضى قربت تتقطع و فهم طبيعة شعبنا اللى هو اصلا قطيع واى دوشة بالنسبة له مولد ربنا يستر انا غير متفائلة اطلاقا

ELVIRA يقول...

Kontiki

الأول ماكنش عاجبهم مبارك و بعد كدة سليمان و بعد كدة أحمد شفيق و البرادعى مش عاجبهم و بعدين مش فاضل غير الاخوان و الاحزاب الورقية ، ويقولوا خايفيين يمشوا من غير ضمانات ضمانات أيه بالذمة دى عالم فاضية و مستقويين بالكاميرات اللى بتصورهم علشان كدة الجيش مش بيضرب
الثوار الحقيقيين روحوا و اللى فاضلين هناك دول عيال فوضوية