It matters not how strait the gate

How charged with punishments the scroll.


I am the master of my fate


I am the captain of my soul

الثلاثاء، 8 فبراير 2011

25 يناير و ما بعد

ليس عندى مزاج لوضع صور ، كما أنى فضلت الأبتعاد بعض الشئ حتى تستقر رؤيتى للأمور و قلت عندما أكتب فسوف أكتب بلا أنفعال أو تسرع


( 1 )

الوغد الذى يعرف أنه  وغد و يعرف أن الناس يعرفون أنه كذلك و يصر على أن يكون وغداً لهو شخص يستحق التقدير

أخوان السو يوم 25 يناير قالوا حذرتنا الحكومة من المشاركة فى التظاهرات و لهذا لم نشارك ؛ يوم 26 يعلنون الاخوان شاركوا فى الثورة كما شارك فيها كل القوى السياسية و المعارضة مع الشباب .
يوم 27 و ما بعده بدأت أعلانات الأخوان للسيطرة على الثورة و الإدعاء بأنهم قادتها الحقيقيين !!!.
بعدها نراهم يرفضون الحوار  ثم فى نفس اليوم يقبلون و كأنهم شعروا بضعف النظام فقاموا يحاولون الإبتزاز

( 2 )


المعارضة المصرية أثبتت بالفعل أنها لا تساوى أنت تكون معارضة ورقية حتى لأن ثمن الورق و الحبر أغلى منها ؛ وليس لها أى وجود على أرض مصر خاصة بعد فضيحة الوفد كبير المعارضين فى مشكلة الدستور و ابراهيم عيسى ؛ كما أنى لا أعرف هل يستطيعون القيام بأى إبداع فى السياسة المصرية فى المرحلة المقبلة بعد أن أصابهم التخشب من طول فترة البيات الشتوى الذى كانوا فيه

( 3 )


نأتى إلى المتظاهرين الشباب  أثبتم بحق أن مصر لا تموت كنا نسمع عن موت الشخصية المصرية و تفضيلها الخمول لكنى كنت على إيمان بأن الشعب المصرى عندما يريد شئ فسيحصل عليه ( كل ما هناك هل نحن نريد الشئ الصحيح الأن أن أننا عن عدم معرفة أخترنا منح الفرصة للأخوان و غيرهم ) لقد تحركوا بسرعة لم يتوقعها أحد و مع ذلك ليس هناك مطالب موحدة بدليل إنقسام الرأى العام حول بقاء مبارك حتى نهاية  ولايته أم يرحل Now على رأى الخارجية الأمريكية ، انتو صحيتوا البلد دة صحيح لكن آن الأوان لأعمال العقل بدل أن نرى الأخوان يسيطرون على المظاهرات كما هو حادث فى ميدان التحرير

( 4 )


التغيير ماذا نريد منه الأن : كعلمانيين نريد تغيير المادة الثانية من الدستور و لكن كعقلانيين نعرف أن هذا مستحيل فى الوقت الحاضر ، ولهذا فنحن نرضى بالديموقراطية بالتقسيط حتى لو كان مريح لهم و لذا سنرضى بالتغيير الذى يحدث حالياً طالما لا يؤدى إلى إخوان أو توريث و حكم مدى الحياة

هناك 11 تعليقًا:

Tears يقول...

كويس اوى كلامك

و عايزة اقول لكل اللى مصدقين مبارك و بيقولوا ادوله فرصة لسبتمبر

حكاية الوعود امام العالم مالهاش اى قيمة لان ده واحد مش فرق معاه يتشتم امام العالم و تطلع مظاهرات ضده فى سبعه و عشرين دولة و رؤساء دول يكلموه امام الدنيا عن الكرامة و اهميه الخوف على شعبه...و بعدين ما ايام ثورة الصين برضة عمل كده رئيسهم و وعد و لما صدقوه شد حيلة رجع يقولهم ضحكت عليكم و خلى الدبابات داست على الاف و فضل على نفسهم و فشلت الثورة

طيب لو النيه خير ليه رئيس الوزراء يطلع يقول سلامة المتظاهرين فى رقبتى وتانى يوم يموت 25 فى موقعه الجمل و بعدين يوم الخميس تلاته فبراير الجيش يقولهم اخلوا الميدان فيه قنبلة و فعلا امام المسجد يكتشفهاو جريدة الشروق تكتب و تتسأل... مين له مصلحة يحط القنبلة دى فى المكان اللى فيه الجرحى عشان تفجر الميدان؟؟
و ليه لما النية حلوة و ح يتصلحوا الجيش بيمنع دخول الاكل و المواد الطبية؟ و ليه يوم سته فبراير الجيش اعتقل ست شباب من الميدان عشان يجبروا الناس يمشوا و ليه اعتقلوا المحاميين من مركز هشام مبارك و همه فى مكاتبهم و همه بيثقوا الاحداث مش مشاركين فى مظاهرات

و ليه مبارك مصر على فتحى سرور و عدم حل مجلس الشعب لو ح يمشى فعلا؟؟ و ليه مصر ان مافيش اشراف قضائى على الانتخابات و لا اصلا استقلال للقضاء و عايزة تابع له لغاية ما يمشى لو هو بيصلح...و ليه معتقل الف واحد من اللى كانوا فى ميدان التحرير غير مختلف المحافظات و مش عايز يسيبهم مادام ماشى؟؟

مافيش اقرب من الايام و انا بقولك لو الناس رضخت و مشيت ح يعتقل منهم كتير جدا و ح يسحلوا و مش ح يمشى و على اغسطس البلطجية ح يعملوا مظاهرات تأييد و لو طلعوا مظاهرات تانى ح يتسحلوا لانه ح يكون مستعدلهم و اعاد بناء وزارة الداخلية المجرمة و اضعف الايمان ح يسيبها لحد حزب وطنى و وزارة الداخلية اللى بتشرف على الانتخابات ح تضبطها

اقروا كلام علاء الاسوانى و حسنين هيكل و فهمى هويدى و مصطفى الفقى و كمال ابو المجد لترعفوا كم يريد خداع الشعب عشان يغدر بيهم

الثورة تغيير مش اصلاح و الشعب مصدر السلطات و ان الشرعية تكتسب من الشارع و قوتهم فى الاعتصام

مافيش شرعية دستورية من انتخابات مزورة و لو مش مزوره فبرضة سقطت بنزول تمن ملايين مصرى

ELVIRA يقول...

Tears
مبارك هيمشى فى سبتمبر دى حقيقة لأن رصيده أنتهى أمام الشعب المصرى و أمام المصالح الأمريكية و يبقى البديل رجل لن يقوم بالتوريث أو يمدد فى فترة الحكم الى مالا نهاية و فى نفس الوقت يقيم بعض الأصلاحات و يحفظ المصالح الأمريكية

ولذا فى الفترة القادمة سيكون هناك اصلاحات تسبعد العناصر المشبوهة من الحكومات السابقة بالتدريج سيتم تغير البرلمان مع الحرص على إبعاد الأخوان عن السلطة قدر الإمكان

أما التغيير الشامل فلا أتمنى حدوثه كله على دفعة واحدة و إلا كان خرابا ولنتذكر أن فى تونس حتى هذه اللحظة لم يظهر بعد الجانب الجيد من الثورة غير الإطاحة ببن على

Ms Venus يقول...

اليفيرا انا موافقاكى


والصورة اللى بتوصفها تيرز دى للأسف فى مخيلة كل الناس فى التحرير

ومش عارفة انا الحل ايه

ELVIRA يقول...

Ms Venus

أنا فى رأى الخاص ان موضوع المتظاهرين فى ميدان التحرير ممكن يتحل على ناحيتين : ان الناس هتزهق ـ و بالفعل علامات الملل بدأت تظهر عليهم بدليل الصور اللى بتطلع على النت و تصورهم إما نايميين أو منتشر بينهم قعدات السمر و الحلاقين و علب الكشرى و غيرها
الناحية التانية و دى بدأت تظهر من جانب الدولة و الجيش و هى أنهم يأخذو من أرض التحرير قطعة قطعة عن طريق الحواجز فيقل العدد و بعد كدة يتفتح ممر عبور السيارات و بعدها هتبتدى الحياة الطبيعية تعود للتحرير

خاصة أن فى حالة أنتباه للحكومة الجديدة اللى شكلها يبشر بالخير نوعاً

Migo Mishmish يقول...

بس انا مش فاهمه ليه مصريين على ان الناس اللي في التحرير اخوان
يا جدعان انا اتكلمت مع مسلمين كتير عاديين وشايفين انهم مش عايزين الاخوان
الاخوان موجودين من زمان قوي ومسمعناش ليهم عن قومة ولا عرفوا يعملوا مظاهره ربع ديه تستمر لاكتر من 5 ساعات
الاخوان خيال مأته عمله النظام علشان يخوفنا ويخوف الغرب من البعد عنه
ثم هل تفتكروا ان اللي عمل ثورة علشان الحريه والعداله الاجتماعيه هيرضى بحكم اخواني يرجعه للقرون الوسطى
والمعارض يتهم بالهرطقه ويتحكم عليه بالجلد والاستتابه
تحيا مصر
MishMish

Elmasryeffendi يقول...

الامور بدات تتضح بس بطيئة شوية، صحيح انا قلقان و لا زلت من الثعلب عمر سليمان لكن لنرى التنفيذ على ارض الواقع و لن يضير تجمع الناس سلميا و الحياة تسير ثم ان الاخوان ظهروا على حقيقتهم و تلاحظ انهم بيتجمعوا لما الاعداد الاخرى تقل عشان يبانو اكثر لكن كله معروف المهم ان المخطط اللى فاق الشيطانى و الصهيونى اللى بيطبقوه مع الناس و تهديدهم فى ارزاقهم مش هايخمد الثورة و كله هايظهر اما تعديل الدستور فانا اتفق معك فى موضوع المادة الثانية التى ليس لها وجود فى اى دولة متحضرة لكنهم بداوا يثيرون الناس بها من الان و يجب عمل دستور كامل محترم جديد بعد استقرار الامور و سيرها على نحو طبيعى

ELVIRA يقول...

Mishmish

الشعب اللى فيه نسبة أمية و إنعدام ثقافة فى قطاع كبير منه ممكن يقبله بحكم يرجعنا للقرون الوسطى فى مقابل لقمة العيش

و الأخوان مش خيال مأتة بدليل انهم هم المجموعة السياسية الوحيدة اللى كانت بتتحرك حتى تحت حكم وزارة فيها العادلى

و مش كل الناس اللى فى ميدان التحرير أخوان لكن هم حبة من هنا و حبة من هناك و الإخوان فى القيادة و بتستخدمهم كوسيلة ضغط و إبتزاز مع النظام مش علشان مصلحة البلد

ELVIRA يقول...

elmasryeffendi

فى نقطة عمر سليمان ماهى نسبة وصوله إلى منصب الرئيس فى سبتمبر ... ليست كبيرة على ما أعتقد حيث أنه قال أنه لا ينوى الترشح للرئاسة إذا كان هذا صحيحاً، فهذا يترك سيناريو إختيار رجل يرعى مصالح أمريكا ولا يهدد إسرائيل و ربما هو من الوجوه غير المشورة جداً من الحزب الحاكم

أو فى الحالة الثانية سيكون شخصية جديدة تماما و فى هذه الحالة ربما ينوى عقد صفقة ما مع الإخوان و الاحزاب

Desert cat يقول...

كانوا مصدقين نفسهم يا اوليفا انهم زعماء ثورة اهى قلبت على إنقلاب عسكرى وبعد ما كانوا نازلين بطلبات كان فى طريقها للتحقيق بالفعل خسروا كل حاجه وفوق ده وده رجعوا وفى ايديهم الاحكام العرفية مروك عليكو يا حلوين حكم العسكر اللى بحق وحقيقى

Desert cat يقول...

اوليفا انا سعيدة بيكى لانى اخيرا لاقيت صوت عاقل فى وصت الحيوانات اللى مالية النت

ELVIRA يقول...

قطة الصحراء

قلبت بأنقلاب عسكرى و كأنه أنتقام حسنى مبارك اللى عمل الحركة دى كلها علشان الإخوان ميوصلوش للسلطة بأى شكل
و بكدة أنتهت لعيتهم والجيش هيوريهم المجوم فى عز الضهر