It matters not how strait the gate

How charged with punishments the scroll.


I am the master of my fate


I am the captain of my soul

الخميس، 31 مارس 2011

من قراصنة الكاريبى و عسكر وحرامية

كانت البداية فى أواخر إجازة نصف العام التى بالطبع ضاعت على الجيش الصغير حجماً و كماً و سناً
هم مجومعة من أقاربى الصغار أكبرهم لا يتجاوز 12 سنة عرضت عليهم زيارتى و إختيار أى فيلم يريدون رؤيته للتسلية
اختاروا قراصنة الكاريبى و بعدها كانوا مأخوذين بالفيلم تماماً حتى بعد مرور الشهر كانوا يسألون إذا كان من الممكن أن يشتغلوا قراصنة !

حاولت أن أشرح لهم : القرصنة وحشة
هم : لكن هم كانوا الطيبين فى الفيلم
أنا : دة تمثيل  لكن فى الحقيقة هم حرامية بس بيشتغلوا فى البحر
هم : لا جاك سبارو طيب و دمه خفيف
********************

تذكرت كل هذا عندماكنت أرى أى هوجة عن الإنتخابات و الإستفتاء و البرادعى و الإخوان و السلفيين
ترى هل ينفع منطق ليجعل الناس يفهمون أن البرادعى ليس عالم ذرة و أنه ليس عميلا لأمريكا
هل يمكن أن تقنع الناس بأن عمرو موسى يحتاج إلى مبررات أقوى ليكون رئيساً بشرط أن تكون أفضل من أننا عارفينه
هل كان يمكن أن يعلم الناس قيمة الشرطة بدون أن يعيشوا بضع أيام من الهلع
هل يمكن أن يتنازل رجل الشارع عن فكرة أن أحمد شفيق أفضل رئيس للجمهورية لأن شكله شيك
هل يمكن لنا أن نكسر بروباجندا الإخوان و السلفيين و تجمعاتهم المنظمة

و كلنا يعرف النكتة القائلة بأن الإخوان و الإسلاميين فزاعة النظام السابق ، فقد أتضح أنى كنت محقة فى تشاؤمى من هذا الإستخفاف بهم و هم الأن يقفزون على الثورة و يدوسون على دم شهدائها
بداية من حزب الوسط و الزمر و حزب الإخوان و غزوة الصناديق و قطع أذن مسيحى و التهجم عليه و تهشيم رأس رجل نائم لأنه لم يصلى و البقية تأتى.........

هناك 8 تعليقات:

Tears يقول...

على فكرة طبقا لوثائق امن الدولة كتير من مدعى السلفية دول بيشتغلوا مع امن الدولة و ده تلاحظية من حملتهم فجاه عشان كامليا بعد ما كان المسلمين و المسحيين فى امان طول فترة الثورة بغياب امن الدولة و الداخلية لكن اول ما وصلوا عملوا فتنة اطفيح و بدأ الهجوم و تكفير البرادعى لان دول بينفذوا اجندات للاسف بتصب فى مصلحة اسرائيل الراعى الرسمى لفسدة مصر اللى صحف العالم تشهد عن انها الوحيدة اللى وقفت جنب مبارك و قالت على الملأ ده كنز استراتيجى لاسرائيل و بيوفرلنا مليارات بغاز بابخس الاثمان و طبعا البرادعى ماحدش كاسر عينه و لا شارك فى الفساد فقلقانيين يجى ينظف البلد و مش ناسيين انه استقال من منصبه كمساعد وزير خارجية سنة 1977 احتجاجا على زيارة السادات لاسرائيل و لا ناسيين موقفه اللى خلى امريكا مدانه قدام العالم لما دخلت العراق بلا شرعية بسبب رفضه ينصفها فى التقرير اللى امن الدولة بيروج عكسه

IMSA يقول...

الفيرا :
بخصوص البرادعي ان اقسمتِ لكافة المصريين إن محمد البرادعي ليس عالم ذرة وإنه كان مسئولا سياسيا في هيئة الطاقة الذرية لن يصدقوا ، ولن يصدقوا إنه تقاسم جائزة نوبل مع الوكالة لكونه كان صاحب تقارير تقول إنه لا يوجد اسلحة دمار شامل في العراق ، ولكنهم يعتقدون أن من يحصل على نوبل هو يا عالم يا أديب ..
:::
بخصوص أحمد شفيق الكل ينظر له على أساس كونه صلح كثيرا في شركة مصر للطيران ، ولكن كما قال الخباز الفصيح إن كان من حقه أن يحكم مصر لكونه أدار مصر للطيران فاعتقد أن من يدير مطار هيثرو يحكم العالم ، وإن كان أحمد شفيق بهذا الجمال الذي يعتقدونه لماذا حدثت أمور مباحث أمن الدولة بعد استقالته مباشرة ..
:::
بخصوص الإخوان والسلفية ، كان النظام السابق قد استقطب السلفية لمصر لكي يضرب بها الاخوان في مقتل معتمدا على مرجعية دينية قوية لديهم هو انهم لا يثورون على الحاكم إلا حين يظهر الكفر فكان امن شرهم من تلك النقطة ، ولكن مع رحيل النظام الكل طمع في السلطة ولانهما مسيطران تماما على الشارع المصري رغم الاختلاف في البنية العقائدية لديهم ، فالسلفية يرون ان الاخوان غامضين عقائديا وانهم اقل في الامور الشرعية والعكس ..
الخوف كل الخوف من محاولة التطبيق اليدوي لكل فتوى متخلفة تخرج من فم أحدهم وهذا سيقودنا بالتدريج إلى نقطة مهمة ألا وهي العودة لما كان يحدث إبان النظام السابق من قانون الطوارئ وغيرها بدعوى حفظ الامن داخل البلاد ..
//
اتمنى قبول ردي وتعليقي

ELVIRA يقول...

Tears

حقيقى كتير من السلفيين مع أمن الدولة و الإخوان كذلك منهم من يعمل لحساب أمن الدولة فليس هناك جماعة أو منظومة محكمة بلا إختراق ، لكن الناس تفهم ازاى دة اللى مش عارفاه
***************

IMSA

لا الاعتراضات على البرادعى دخلت فى حيز أخر الموضة دلوقتى أنه شكله غلس أو بيبربش كتير هتعمل لهم أيه بقى ؟

و أهى البلد هتولع بسبب بطء المحاكمات و السكوت على أصحاب الذقون
يعنى نعمل أيه أبدأ أجهز جواز سفر لتركيا

Ms Venus يقول...

فقد أتضح أنى كنت محقة فى تشاؤمى من هذا الإستخفاف بهم و هم الأن يقفزون على الثورة و يدوسون على دم شهدائها بداية من حزب الوسط و الزمر و حزب الإخوان و غزوة الصناديق و قطع أذن مسيحى و التهجم عليه و تهشيم رأس رجل نائم لأنه لم يصلى و البقية تأتى.........



انا كنت زيك

وكنت متشائمة وبتكلم

لكن للاسف محدش كان بيسمع والكل كان بيقولى لا دول فزاعة ومالهمش اى قوة او سيطرة !!!!

حقيقى مصر فى خطر

ELVIRA يقول...

Ms Venus

الكل كان فرحان بالثورة و كأننا عبرنا إلى عصر برج الدلو ، علشان كدة المنطق مكانش نافع و دلوقتى الكل عرف حقيقة الوضع
ولو كان الإخوان فزاعة يبقى إزاى أستمر وجودهم فى البلد دى منذ 1926

جوزيف بطرس يقول...

السلام عليكم،
وحشتووووووووووووونى... وحشتونى بجد!
عاملين ايه؟

البرادعى... الراجل ده أنا نفسى يبقى رئيسنا بس أنا متأكد أنه مش هيكسب لأن النظام المخلوع شوه صورته قبل الثورة، و طبعا كعادة المصريين اللذيذة لما حد بيطلع عليه سمعة قذرة و أثبت بعد ذلك إن الكلام ده كان كذب فبرضه الناس مش هتصدق برائته "احتياطى"!!! احنا كدة

ELVIRA يقول...

جوزززيف فينك يا راجل.....

طبعا هى عادة المصريين و أى مجتمع مغلق و هى أنك تاخد واحد طلعت عليه إشاعة ما و يبقى كدة عندك هدف فى الحياة ،واحد يخليك تعرف انك أنسان جيد من دون أى عمل أو علم طالما اللى معاه جايزة نوبل نفسه مطلعش كويس فى نظر الناس فيبقى أنا أحسن منه ميت مرة

جوزيف بطرس يقول...

أهو رجعت تانى... الواحد نفسه يسافر شوية برة البلد عشان ينضف ودانه من الجهل اللى بيسمعه كل يوم