مش خسارة فيك يا قذافى الفيديو دة كمان
كلمات القصيدة هنا هى اللى حلوة أوى
بالمناسبة فاكرين بن على لما قال أنه مش هيرشح نفسه فى انخابات 2014 و سقط نظامه يوم 14 يناير
و مبارك قال مش هيرشح نفسه فى 2011 و تنحى عن السلطة 11 فبراير
و عل عبد الله صالح مش هيرشح نفسه فى سنة 2013
دة معناه أنه ممكن يخسر المنصب يوم 13 مارس
حد يعرف معمر القذافى مسك السلطة يوم كام ؟
و الانتخابات أمتى ؟!!!
ثم أى مصنع هذا الذى ينتج حكام عرب موديل واحد ؟
يجب غلق هذا المصنع؟
هناك 9 تعليقات:
بلاش نقارن القذافى باى من الاخرين لان القذافى حالة فريدة ده مجنون رسمى
مريض عقلى مش نفسى
تصورى انه معتقد فعلا ان القاعدة بتحاربه و هى اللى بتعمل مظاهرات و بتشيل صوره من الشوارع لكن شعبه بيحبه!
صباح الورد
اوووه
اقصد مساء الورد
تاني مرة ادخل مدونتك
اتمشيت فيها شوية كدة
اقصد قرأت فيها شوية
عجبني طرحك للمواضيع
...لسة بقول ان الحكام العرب او الدول العربية كلها موديل واحد بس فيها القصير والطويل ...الرفيع والتخين
كدة يعني....
بقي القذافي ...قائد ثورة الفاتح العظيم...بقاله اكثر من اربعين سنة
مبارك المبارك...ثلاثين سنة
وغيرهم وغيرهم
بدأت بتونس...بعدها مصر...ليبيا
وتباعا....مش مهم يوم اية
المهم كل الفساد ده ينتهي عهده
ونبدأ من جديد
خايفة انا اووي من اللي جاي
بس ربنا ييسر الاحوال
ونبدأ من جديد
وتبقي مصر تانية
جديدة ...من غير اي فساد...اتمني
Tears
مجنون ..دة مؤكد لكن اللى أقصده هو طريقة الحكام مع الشعوب فى الفترات العادية قمع
و فى الثورة من بعد تونس و هم بيقولو أحنا مش تونس
و لما تحصل الثورة يبدأ سيناريو عنف قوات الأمن ثم التصريحات ثم الوعود بالإصلاح ثم تدخل الجيش ثم التخلى عن السلطة بشكل أو أخر
رحاب
صباح الورد أو مساء الورد المهم أنه يبقى ورد ، أهلاً بيكى فى المدونة
كل حكام العرب مويل واحد من نفس المصنع و كلهم أصحاب لقب الزعيم المُلهم
بس منزعلش احنا فى مصر أحسن من ليبيا
يعنى مبارك عاصر 9 رؤساء إسرائيليين و 5 أمريكان و 3 ملوك من السعودية فى 30 سنة حكم
شوفى كدة القذافى اللى عاصر 3 رؤساء مصريين لو فكيناها بالأمريكانى يطلعوا كام ؟!!
قوليلى ايه رايك فى الخبر اللاسود ده
اليوم السابع تنشر وثيقة تثبت ان الداخلية هى من قامت بتفجير القديسيين
http://www.youm7.com/News.asp?NewsID=362418&SecID=12
فعلا هناك عجائب رياضية بحتة فى علاقة الثورة بتاريخ التنحى .. بموعد الانتخابات الرئاسية ...
كما أن الثورتين المصرية والتونيسية لهم علاقات متداخلة كثيرة ...
حكمتك يارب ...
عقبال اليمن وليبيا و....
Tears
طبعاً أصدق هو كل اللى همه أن النظام الفاسد كان يستمر و فضلو يلعبوا على أوراق كتيرة لتضليل الناس عن فسادهم و فى الأخر كانت و رقة الفتنة الطائفية
بس أنقلبت عليهم و الحمد لله
شريف القاضى
يا رب يا شريف نشوف موضة الجمهوريات الملكية دى منتهية فى الدول العربية كلها
لكن أظرف تعليق كان بتاع القذافى لما كان بيقول أنا لو كنت رئيس كنت لوحتلكم بالإستقالة !!!
انا اسفه عشان قلتلك لازم تشاركى مادام مش ح يزوروا لانى اكتشفت انى كنت فاهمه غلط
استمارات التصويت اصلا بتوزع فى الشارع و مع الناس حتى فى الصعيد و بيتعلم فيها و يدوها للناس عشان يحطوها فى الصندوق و يرجعوا بالفاضية فياخدوا مكرونة و زيت و فيه ناس تانية بياخدوا منهم صورة الرقم القومى (زى الوراق مثلا) و يدوهم اى حاجة فى المقابل
كده بقت تمثيلية زى كل مرة و مش فارق حاجة و الاسوأ ان دى بروفة لانتخابات الرئاسة و بالتالى احنا رجعنا لنقطة ما قبل 25 يناير و همه ح يعملوا اللى عايزينه و الاهم ان التعديل بتاع المادة 76 اللى المفروض ان يتوافق عليها بيمنع الطعن على نتيجة انتخابات الرئاسة يعنى ح يزوروا و ماحدش يفتح بقه و لما يبقى يجى رئيس جديد نتيجته مشكوك فيها يبقى يحط دستور هو و مجلس الشعب اللى ح يبقى مش ممثل للشعب بعد فيلم الاستمارة الدوارة ده
الاستمارات اللى فى الشارع بقالها تلت ايام هنا بس فيه لينكات كتير غير دى لاستمارات تانية
http://www.facebook.com/album.php?aid=647424&id=522785413&fbid=10150448781095414
إرسال تعليق