It matters not how strait the gate

How charged with punishments the scroll.


I am the master of my fate


I am the captain of my soul

الاثنين، 18 أكتوبر 2010

الهجمة المرتدة


بعد ان رفضت العريس اياه  يبدو ان الأمر أتخذ منحى لم أتصوره بدأ فى صورة همهمات عائلية  ثم تحولت الهمهمات الى تساؤلات و ثم الى مقارنات .... و بعد ان تمت دور الذم و النميمة  تذكروا فجأة انى كائن حى يمكن سؤاله  فيجيب حيث ان لى أذنان و عينان و فم وعقل  ، لكن لا يبدو أن الأخيرة تهمهم فى شئ  

بدأت الأسئلة كالأتى  :
 بترفضى ليه ؟   .... أنا حرة
هو أنت تعرفى عنه حاجة ؟ ( دعوة للمشاركة فى النميمة )...  أنا معرفش عنه حاجة غير أسمه و وظيفته
أنت فى حد فى دماغك ، هذا يصدمنى فيكى بصراحة ؟ ..... مفيش حد فى دماغى و لو فيه فدة مش شغلك ، وساعتها كنت هاكلم والدى و والدتى و ليس أى منكم أو منكن

بس دة وظيفته كويسة ؟ ..... ربنا يبارك له بعيد عنى
طب فيه أيه بس ؟ ....... كان عايزنى ألبس الخمار أرتحتى

نظرة الانتصار فى الأعين كلنا كنا عارفين من الأول انك مش متدينة و مخك طاقق ، و علشان كدة مش بتيجى تقعدى معانا فى حلقات الدرس بتاعت أبلة (هـ)
أسمعى انا ممكن أكلملك الشيخ يحيى ( تذكر يحيى أبو لحية ) يجى يكلمك و يفهمك الدين صح  يمكن ربنا يفتح عليكى و تهدى و تلاقى حد يتجوزك  .........
أنا يووووه
إلفيرا تغادر المكان

هناك 9 تعليقات:

ELVIRA يقول...

i am sure not to care about them
they are just a flies too many but not worth it

Elmasryeffendi يقول...

و الله برافو عليكى انك رفضتيه ، عريس ايه ده ابو جزمة فى مخه اللى بيتشرط من اولها و يتمسك بظواهر الامور الهايفة اللى علمها له امثال الشيخ يحيى ابو لا مؤاخذة لحية، و بعدين كويس انك تمسكتى بموقفك و رفضتى تبداى حياتك بطريقة مبنية على السطحية

Tears يقول...

شاطرة لانك متماسكة لدلوقتى بس انا خايفة من كتر الضغط ياثروا عليكي و يقهروكى لان واضح ان الرأى العام مش معاكى

يارب يكون موقف الوالدين مساند ليكي

ELVIRA يقول...

elmasryeffendi

1000 شكر ما هو طبعا انا لا يمكن أعيش حياتى بالطريقة دى لمجرد ان دى طبائع الأمور و ان هو دة اللى ماشى

علشان كدة بأقول لا و هأقول لا لأى واحد زيه


Tears

صحيح الرأى العام مش معايا أبداً
بس أنا مش هاغير موقفى
فى الواقع أنا أقوى مما يظنون جميعا
من جهة الوالد و الوالدة فهم مش دايما متفقين معايا لكنهم فخورين بيا أوى

MSMO يقول...

علي قد ما أنا زعلان إن مازال هناك عقول كل همها إنها تحول اي إنسان صاحب فكر وعقل حر إلي قطيع نعم سيدي سمعا و طاعة علي قد ما أنا فرحان من موقفك القوي والصلب وأتمني أن تظلي صامدة حتي النهاية

آخر جملة "أكلملك الشيخ يحيى ( تذكر يحيى أبو لحية ) يجى يكلمك و يفهمك الدين صح يمكن ربنا يفتح عليكى و تهدى و تلاقى حد يتجوزك "
يجب أن يتم فهم الدين بآلية معينة لا تقبل التفكير وهم المرأة في الدنيا هي إن تلاقي حد مش مه مين الحد ده يتجوزها هذه هي العقليات التي يريدون تحويل الجميع إليها
شئ يدعو لأسف والحسرة :((

ELVIRA يقول...

MSMO

شكرا جدا على تعليقك وهى فعلا حاجة تخنق الواحد و تعقده لما يعرف انه لازم يمشى فى المجتمع بقوة الدفع حيث انك مش عتمشى لكن بتتزق من اللى وراك علشان تحصل اللى قدامك . ويبقى زيك زى غيرك

لكن انا لن أغير من موقفى من أجل أى أحد فى نفس الوقت لن أفرض رأى على أحد

لاديني يقول...

تماسكي واصمدي
مادمتِ على صواب وتتخذين قراراتك عن اقتناع تماسكي واصمدي..وألحي...
واضح أنكِ لستِ بحاجة إلى مثل هذه النصيحة ولكنني أتحدث لإحداهن وليس لكِ
يمكن ربنا يهديك
:)

ELVIRA يقول...

لادينى

اطمن أوى انا برهنت وجهة نظرى و الموضوع أتقفل سواء عاجبهم أو معجبهمش

آخر أيام الخريف يقول...

برافو عليكى :)